Dore impamvu mutamenye zatumye Lionel Messi atagaragaye mu bakinnyi 30 beza kuri Ballon D’Or

Ku nshuro ya mbere rutahizamu ukomeye cyane ukomoka mu gihugu cya Argentine Lionel Messi ntabwo yabashije kuboneka ku rutonde rw’abakinnyi 30 kuri Ballon D’or aho byasobanuwe ko ngo yagize umwaka mubi w’imikino.

France Football yasobanuye impamvu Lionel Messi atabashije kuboneka ku rutonde rw’abakinnyi 30 bagombaga gutoranywamo umwe mwiza wo guhabwa Ballon D’Or aho basobanura ko uyu mukinnyi yagize umwaka mubi w’imikino 2021/2022.

Gusa ntabwo ariko byakiriwe neza na bose dore ko hari abashinja abategura uru rutonde ko bahoye Messi kuba akina mu ikipe y’Abarabu ariyo Paris Saint Germain.

Nubwo Messi ashinjwa kugira umusaruro muke hari abakinnyi bagaragaye kuri uru rutonde batigeze bitwara neza mu mwaka wabo w’imikino ndetse Lionel Messi mu mikino yose haba mu ikipe y’Igihugu ya Argentine hamwe na Paris Saint Germain yabashije gukina imikino 45 agira uruhare mu bitego 38.

Uyu mugabo yabashije gutsinda ibitego 17 ndetse anatanga imipira 21 yabashije kuvamo ibitego.

Mu kiganiro cye,umunyamakuru Theogene Rugimbana akaba n’umwe mu basesenguzi bakomeye b’umupira w’amaguru, ahamya ko Messi impamvu atabashije kuza kuri uru rutonde ari impamvu z’uko akina mu ikipe iyoborwa n’Abarabu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO