Impamvu zatumye Ally Niyonzima ajya muri Rayon Sports

Umukinnyi w’ikipe y’igihugu y’u Rwanda Ally Niyonzima wamaze gusinyira ikipe ya Rayon Sports imukuye mu gihugu cya Oman, yatangaje ko mu byatumye aza mu ikipe ya Rayon Sports harimo ko akunda imyitwarire ndetse n’imifanire y’abafana b’iyi kipe ndetse n’ibindi.

Uyu mukinnyi wari waragiye mu ikipe yo mu Barabu muri Oman yitwa Al Bashair, akayisinyira amezi 5, ntabwo yabonye umwanya wo gukina muri iyi kipe uhagije, anavuga ko itari ku rwego rwe bitewe nuko yashakaga gukina atera imbere ashaka n’indi kipe ikomeye yajyamo.

Ku munsi w’ejo tariki 15 Mutarama 2019, uyu mukinnyi yasinyiye ikipe ya Rayon Sports amasezerano y’amezi 6, avuga ko nyuma bazicara bakaganira niba ashobora kuyongera cyangwa akerekeza mu yindi kipe.

“Ikipe narindimo ntabwo wavuga ko atari nziza kandi na shampiyona yo muri Oman nasanze, ntabwo nayishimiye ibyo nifuzaga ntabwo byari ukubona amafaranga gusa mu mikinire yanjye, kuko nshaka kugera kure hashoboka niyo mpamvu mumbona ngarutse hano mu Rwanda.” Ally Niyonzima

Ngandu Omar na Ally Niyonzima bombi baravukana, bari berekeje mu ikipe imwe

Yakomeje agira ati: "Icyo navuga ndashaka gusimbuka, kandi iyo ushaka gusimbuka neza usubira inyuma ukabona gusimbuka neza. Njyewe nasubiye inyuma gato kugira ngo nsimbuke neza nicyo kintu kinzanye hano ngomba gukora cyane kugira ngo nongere mbone amafaranga nakoreraga hariya kuko arashimishije. Ntabwo nishimiye kugaruka mu Rwanda ariko nsihimiye kugaruka muri Rayon.”

Ally Niyonzima kandi yatangaje ko akunda Rayon Sports bitewe n’abafana bayo.

Ati "Njyewe Rayon ni ikipe numvaga mbabaye kuba narimvuye mu Rwanda ntayikiniye, kuko ni ikipe nkunda. Ntabwo nyikunda ukundi, ahubvwo nkunda ukuntu abafana bayo bafana, nkunda ukuntu bitwara byaranshimishaga, nanjye kuba nyijemo ndishimye cyane kandi bantegeho ibintu byiza cyane.”

Ally Niyonzima yasinyiye Rayon Sports

Ally Niyonzima yakiniye amakipe atandukanye harimo ikipe ya APR Fc, Mukura Victor Sports ndetse na As Kigali mu Rwanda, yahavuye yerekeza mu ikipe yo muri Oman yitwa Al Bashair, aho yajyanye na Murumana we Ngandu Omar we wagumyeyo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO