Dore uburyo wafata bugwate umutima w’umukobwa wari waramaze kugutera uw’inyuma akakugarukira

Ntaburyo bushashagirana watwaramo umukobwa ngo usane umutima we wangiritse ngo ako kanya uwusubirane, Gusa nanone ibuka ko ibintu byose bisaba kugira amayeri aha cyane cyane mu rukundo ruri mu marembera. Muri iyi nkuru tugiye kugaruka ku buryo butandatu wakoresha.

Niba umukobwa yarakajwe cyane n’imyitwarire yawe idahwitse cyangwa amakosa runaka wakoze birumvikana akenera ko umwitaho cyane ndetse ariko byose bigasaba ko umuha umwanya yewe ukanamwereka ko wakoze amakosa.

Aka kanya ni ngombwa ko umwereka ko ari ingezi cyane ndetse ibyo uvuga bikwiye kujyana n’ibikorwa bityo akabona ko ari ingezi mu buzima bwawe.

Dore amayeri azagufasha gufata bugwate umutima w’uyu mukobwa akakugarukira

1. Kumutega amatwi

Aho abagore bava bakagera bakunda umuntu ubatega amatwi ndetse akagaragaza ko aha agaciro ibitekerezo byabo, Nta muntu numwe mu buzima washimishwa no kubaho ntawuha agaciro ibitekerezo bye cyangwa ngo ahabwe umwanya wo gutanga inyunganizi ye ku kintu runaka.

Mu rukundo rero buri mukobwa wese akunda umusore uca bugufi akamutega amatwi ndetse akanubaha igitekerezo cye, Iyo rero umukobwa amaze kubona ko wubaha cyangwa ugaha agaciro ibyo akubwira atangira kukugarukira buhoro buhoro.


2. Ubaha imyanzuro ye

Umusore aba agomba gushyigikira umwanzuro umukobwa afata ndetse ukirinda kumurwanya.

Guha agaciro no kubaha imyanzuro umukobwa yamaze gufata bimwereka ko utiteguye kumunaniza ndetse ko noneho ubu mushobora guhuza.

Ibi bimwereka ko wahindutse kandi ko witeguye kumwumva no kutamuremerera,
kuba wamutega amatwi ugashyigikira umwanzuro we ntabwo bisobanura ko uba ugomba kwemera ibyo akubwira byose ngo ubishyigikire.

Ahubwo uburyo ushobora kunganira icyemezo cye ukagishyigikira neza mu buryo bukwiriye nibyo bimunezeza ndetse niyo cyidahwitse wirinda kumwereka ko ibyo arimo gukora bidafututse, ahubwo umwereka umwuzuza mu kinyabupfura cyawe ariko utamupinze kuko abakobwa bakenera abasore bababwira ko bashoboye.

3. Mubwire ko umukunda cyane

Witerwa isoni no kumwereka amarangamutima yawe kabone naho mwaba mu meranye nabi komeza umubwire amagambo y’urukundo ndetse umwiteho umwifurize igitondo cyiza cyangwa ijoro ryiza, Nta mukobwa aho ava akagera udakunda amagambo meza arimo uburyohe bw’urukundo.

Gukomeza gutera imitoma umukobwa umubwira amagambo meza bituma yifuza gusubira mu rukundo nawe ndetse bigatuma akumbura ibihe mwanyuranyemo.

4. Gerageza urusheho gusirimuka

Nta mukobwa utifuza gutemberana n’umuhungu ukeye kuburyo bimutera ishema muri bagenzi be, Kumenya kugendana n’ibigezweho ni ikintu cyiza cyane umukobwa cyimushimisha iyo muri kumwe.

Niba rero uri umusore wifuza gisubirana n’umukunzi wawe gerageza wambare neza kuruta uko wabikoraga mbere, ibyo bizatuma akubona abone warahindutse bityo umutere ishema yifuze kongera kugendana nawe.

5. Gira ibitekerezo bizima mu gihe wamusohokanye

Umukobwa wese akunda umusore ufite ibitekerezo byubaka hamwe n’imishinga ifatika imwereka igishushanyo mbonera ku buzima bw’ahazaza.

Niba uzi gupangamo neza imishinga yawe ndetse ukanamwereka ko nawe iyo mishinga utayigeraho adahari menya ko uyu mukobwa urimo kumugera nanone amajanja.

6. Gira akanyamuneza

Iki ni ikintu gikomeye cyane, kuko nta mukobwa numwe wakwifuza kuganira n’umuhungu utishimye cyangwa ngo ibiganiro bye bibe bishishikaje.

Haranira kuryoshya ibihe murimo nk’igihe mwasohokanye kuko umunsi nkuwo urimo umunezero ukomeza kuba mu ntekerezo z’umukobwa.

Iyi ngingo izagufasha gusana urukundo rwangiritse rwaba urumaze igihe kinini cyangwa aribwo mukimara gutandukana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO