Dread Rocks za Danny Vumbi zatunguranye mu mashusho y’indirimbo ye nshya-Video

Danny Vumbi umenyerewe mu ndirimbo zirimo ubutumwa bwiganjemo ubutamenyerewe ku bahanzi benshi, yasohoye amashusho y’indirimbo ye nshya yise ‘Yibare’ ishushanya urukumbuzi umuntu agirira inshuti ye magara.

Amashusho y’iyi ndirimbo nshya ya Danny Vumbi yifashishijwemo amazina azwi muri sinema Nyarwanda, harimo Assia, Njuga ndetse Nicky Dimpoz usanzwe ari n’umuhanzi.

Agashya kagaragaye muri iyi ndirimbo nshya ya Danny Vumbi agaragaramo afite Dread Rocks zikunze gukoreshwa n’aba Rastafarian, benshi bibajije impamvu yahisemo kugaragara gutya dore ko aribwo bwa mbere ashyize ku mutwe we izi Dreads.
Danny Vumbi utamenyerewe kuri Dread Rocks yatunguranye
Iyi ndirimbo nshya ‘Yibare’ Danny Vumbi yashyize hanze yemeza ko ari iya gatandatu mu ndirimbo z’iri kuri Alubumu ya gatatu ateganya gushyira hanze.

Yagize ati: “iyi ndirimbo ‘Yibare’ni iya gatandatu mu ndirimbo zigize Alubumu ya gatatu izaba yitwa ‘Inkuru Nziza’.”

Yongeyeho ko iyi ndirimbo irimo amagambo ahumuriza inshuti magara y’umuntu imwumvisha ko igihe kitakabaye ikibazo kuko iminsi yo kongera guhura iba igenda igabanura, ivaho umwe umwe.

Hari hashize igihe kitarenze ukwezi kumwe Danny Vumbi asohoye indirimbo yise Muto, yakunzwe n’abatari bacye.
Aha bari mu ifatwa ry’amashusho y’indirimbo nshya ya Danny vumbi ’Yibare’
Uku gukora cyane no gusohora indirimbo mu buryo bwihuse, bishimangirwa n’ibikorwa bya label ya KIKAC uyu muhanzi aherutse kwinjiramo mu minsi ishize, ibi bikaa bigaragaza ko nta kabuza Alubumu y’uyu muhanzi ishobora kujya hanze mu gihe kitari icya cyera.

Dore amashusho y’indirmbo nshya ya Danny Vumbi ‘Yibare’:

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO