Dreadlocks zihurira he na Rastafarism?

Rastafarism ni idini rifite inkomoko muri Jamaica rikaba ryarashinzwe ahagana mu mwaka w’1930, kimwe mu bintu abarasta benshi bamenyereweho ni ukugira imisatsi miremire iboshye iyo bita dreadlocks.

Abantu benshi usanga bibaza aho Rastafarism ihuriye na dreadlocks kuko abarasta benshi usanga batunze ubu bwoko bw’imisatsi miremire iboshye kuburyo iyo umuntu usanzwe aboshye imisatsi bamwita umurasta kuko aribo bamenyereye ko batunga iyi misatsi miremire iboshye.

Abarasta bakunda gutunga imisatsi miremire kandi iboshye iyo bita dreadlocks.

Rastafarism ntiyatangiye ari idini ahubwo wari umutwe ugizwe n’abirabura barwaniraga uburenganzira bwabo bakarwanya n’akarengane kabakorerwaga.

Marcus Garvey uyu wamenyekanye cyane kubera guharanira ubwigenge bw’abirabura yari yarahanuye ko hazabaho Mesiya wirabura muri Africa ndetse ibi byaje kuba kuko Haile Selassie yaje kuyobora Ethiopia hagati y’umwaka w’1930-1974, ndetse uyu muri Rastafarism afatwa nka Mesiya kuko abarasta bizera cyane ko Haile Selasie ariwe uzayobora abirabura mu gihugu cy’isezerano aricyo Ethiopia.

Haile Selassie afatwa nka Mesiya wirabura.

Abarasta benshi usanga bamenyereweho gutunga imisatsi iboshye iyo bita dreadlocks ndetse iyi misatsi ifite aho ihuriye bya hafi na Rastafarism.

Abarasta bavuga ko batunga dreadlocks nk’icyimenyetso cy’intare ya Yuda ndetse iki kimenyetso kikaba kigaragara no kw’idarapo riranga Rastafarism.

Nkuko buri gihugu ku isi gifite idarapo n’ibirangantego byacyo, Rastafarism nayo igira idarapo rifite amabara atatu : icyatsi, umuhondo n’umutuku.

Buri bara rifite ubusobanuro bwaryo bwihariye.

Icyatsi gisobanuye iterambere n’icyizere cy’ejo hazaza h’umugabane wa Africa.

Umuhondo ukagereranywa na zahabu n’ubundi butunzi bwanyazwe Africa bikozwe n’abakoloni.

Umutuku usobanuye amaraso yamenetse igihe abirabura barwaniraga uburenganzira bwabo barwanya akarengane kabakorerwaga.

Rastafarism igira idarapo riyiranga kandi rifite ubusobanuro bwihariye.

Indi mpamvu ituma abarasta batunga imisatsi miremire kandi iboshye bavuga ko imbaraga z’umugabo ziba mu burebure bw’umusatsi ye ndetse gukata umusatsi bavuga ko bingana no gutakaza imbaraga aho bashingira mu bihe bya Samusoni aho bibiliya ivuga ko igihe Derila yamukataga umusatsi yatakaje imbaraga ze, kuko ibanga ry’imbaraga ze zari ziri mu burebure bw’umusatsi we, ibi bituma abarasta batunga umusatsi mwinshi kandi muremure kuko bizera ko gutunga umusatsi mwinshi byerekana imbaraga nyinshi.

Abarasta batunga imisatsi miremire kuko bizera ko ituma umuntu agira imbaraga nyinshi.

Rastafarism ifite aho ihuriye cyane no gutunga imisatsi miremire kandi iboshye iyo bita dreadlocks kuburyo abantu benshi batakereza ko kugirango ube umurasta ugomba kuba ufite izi dreadlocks, gusa birashoboka cyane ko ushobora kuba umurasta utanatunze dreadlocks.

ushobora kuba umurasta kandi udafite dreadlocks.

Mu bindi bintu abarasta bagomba gukurikiza ni ukwirinda kurya inyama kuko kugirango haboneke inyama habaho kwica inyamanswa ndetse bavuga ko gukora ku nyama bingana no gukora ku rupfu kuko bizera ko iyo uriye inyama ziborera mu mubiri wawe kandi umubiri wawe ufatwa nk’urusengero mu muco wa Rastafarism.

Abarasta birinda kurya inyama ahubwo bakarya imboga n’imbuto.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO