Dushyirehamwe yegukanye ikamba ry’umukobwa ufite impano ihebuje muri Miss Global Beauty Rwanda

Umukobwa witwa Anne Marie Dushyirehamwe uri mu bahatanye mu irushanwa ry’ubwiza rya Miss Global Beauty Rwanda 2021 yahigitse bagenzi be mu cyiciro cyo kwerekana impano aho yagaragaje impano yo kubumba akoresheje umwiko.

Ku munsi w’ejo nibwo abakobwa 33 bose uko bahatanye bahawe umwanya wo kwerekana impano zabo, kugeza ubwo mu cyiciro cya nyuma haje kugera abakobwa batanu ariko nabo baza guhigikwa na Anne Marie Dushyirehamwe wambitswe ikamba rya Miss Global Beauty Rwanda 2021, "Talent winner".

Ibi yabigezeho nyuma yaho Akanama nkemurampaka karimo umunyamerikakazi Nicole Docee ugaragara mu mashusho y’indirimbo ya Lady Gaga "911" hakabamo na umunya-Austria Melanie Gassner watsindiye imidari muri European Vaulting Champ bemeje ko Anne Marie Dushyirehamwe ariwe wagaraje impano iruta iz’abandi bose.

Mu kiganiro na Genesisbizz Umuyobozi uhagarariye ikigo cya Embrace Africa mu Rwanda Madamu Paulette Ndekwe.

Yagize ati “Abakandida bose twabasabye kugaragaza impano zabo. Iyo tuzibasabye ntituba tugiye kuzibika no kuzipfukirana, ahubwo twasanze ko zajya ahagaragara hagatoranywamo izirusha izindi kuba nziza.

Yakomeje agira ati “Ni muri urwo rwego impano ya Anne Marie yaje ku mwanya wa mbere nk’uko byagaragajwe n’abari bagize Akanama nkemurampaka."

Ubusanzwe hari ibigenderwaho mu gutoranya abashobora guhagararira igihugu mu marushanwa y’ubwiza rimwe na rimwe ugasanga hari ufite impano ariko ibyo bindi bisabwa atabyujuje, nyamara ibyo ntibikuraho ko afite impano.

Anne Marie arashoboye nk’uko bigaragara mu gihangano cye yabumbye akoresheje Umwiko. Icyo ni nacyo twagendeyeho tumuha ikamba.

Abakobwa batanu, Dushyirehamwe yahigitse harimo Ineza Vanessa, Umutoni Blandine, Umutoniwase Nadia na Dorinema Queen.

Anne Marie Dushyirehamwe niwe wegukanye ikamba Miss Global Beauty Rwanda 2021, "Talent winner"

Genesisbizz

Related Articles

Ibitekerezo

  • - Grâce

    Ni byiza rwose kuba bahaye amahirwe abakandida bose kuko iyo baza guhitamo batabanje kureba impano bafite bari no kumukuramo kdi afite ibyo ashoboye. Ni intambwe ikomeye ku bateguye iri rushanwa barebye kure.

  • - Mbabazi Aimée

    Birashimishije ko babaye agaciro n'abafite impano. Ubundi impinduka ziri kugenda zigaragara byibura hari icyizere ko ejo hazaza ari heza ku bitabira bene aya marushanwa.

Igitekerezo cyawe kirashyirwaho aruko gisusumwe

TANGA IGITEKEREZO