Ed Sheeran yavuze impamvu atazongera gukoresha ubwiherero rusange

Umuririmbyi w’icyamamare ukomoka mu gihugu cy’Ubwongereza, Edward Christopher Sheeran wamenyekanye cyane ku izina Ed Sheeran yatangaje ko ari inshuro nyinshi yahuye n’abafana bakagerageza kumwegera aho yihagarika mu bwiherero rusange.

Ibyamamare byinshi bikunda kwibasirwa n’abafana ku buryo baba bifuza kubafotora kugeza n’igihe bari mu bwiherero, Ibi ni nako byakunze kugendekera uyu mugabo w’imyaka 30 aho yagiye ahurira n’abafana benshi mu bwiherero rusange, bamara kumuca iryera bakifuza kumwifotorezaho ari kwihagarika.

Mu kiganiro yagiranye na Armchair Expert yaravuze ati “Hari igihe ubwiherero buba burimo ahantu ho kwihagarika hasaga 20, njye nkajya ahanyuma ku mpera nkabona umuntu araje aje kwihagarika iruhande rwanjye ashaka kureba ubwambure bwanjye. Kuva icyo gihe rero itegeko ryanjye ni uko ntazongera kubikora.”

Ed Sheeran yakomeje avugako niyo yaba yumva uruhago rwenda gushwanyuka bitewe n’ukuntu yaba ashaka kwihagarika, ngo yahitamo kwihangana kugeza igihe icyumba cy’aho abagabo bihagarika gisigara ntamuntu n’umwe urimo akabona kujya kwihagarika ari wenyine yisanzuye atikanga abamufotora.

Mu bakunze kwibasira icyi cyamamare ngo si abafana gusa, ahubwo yibasiwe n’ibindi byamamare bikomeye bishaka kureba ubwambure bwe igihe yihagarika.

Yatangaje ko rimwe yari mu bwiherero rusange aho bihagarika, Kit Harrington na Richard Madden bakinnye muri filime Game of Thrones baza kumusagarira.


Ibyamamare Harrington (iburyo) na Madden (ibumoso) ngo bibasiye Ed Sheeran mu bwiherero.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO