Eddy Kenzo yageze i Kigali aho aje gukorana indirimbo na Bruce Melodie(Amafoto)

Ku gicamunsi cyo kuri uyu wa kane tariki ya 24 Gashyantare 2022 nibwo umuhanzi Eddy Kenzo wo gihugu cya Uganda yageze ku kibuga mpuzamahanaga cya Kigali aho aje mu mushinga wo gukorana indirimbo na Bruce Melodie.

Eddy Kenzo wageze i kigali aherekejwe na bamwe mu bamufasha mu muziki we yakiriwe n’itsinda ryari riyobowe na Bruce Melodie ndetse n’abanyamakuru benshi bakora imyidagaduro hano mu Rwanda .

Mu kiganiro n’itangazamakuru, uyu muhanzi wari umaze imyaka isaga ine adakandagiza ikirenge hano mu Rwanda yatangaje ko yishimiye kongera kugaruka mu rw’imisozi igihumbi kuko ahafata nko mu rugo rwa kabiri.

Abajijwe ikimuzanye mu Rwanda, Kenzo yasubije ko azanywe n’Umushinga wo gukora indirimbo n’Umuhanzi Bruce Melodie afata nk’umuvandimwe we.

Yagize ati “Nkunda kumva umuziki wa Bruce Melodie ndawukunda cyane kandi Ndi umufana we, Rero nk’Umuhanzi ukomoka Uganda kandi nziko Bruce Melodie ari Umunyarwanda turi abavandimwe nicyo gituma nifuje ko twahuza imico y’ibihugu byacu byombi kandi ndizera ko iyo ndirimbo izatanga umusaruro ku mpande zombi.

Biteganyijwe ko Eddy Kenzo uzamara iminsi hagati y’biri n’itatu mu Rwanda bazakorana indirimbo ndetse bakanayifatira amashusho.

Ikaba izakorwa na Producer Madebeats uzigaye yifashishwa na Bruce Melodie mu ndirimbo ze nyinshi Mpuzamahanga.

Bruce Melodie agiye gukorana na Eddie Kenzo nyuma yo gukorana n’abandi bahanzi mpuzamahanga bamwe barimo Khaligraph wo muri Kenya ,Harmonize wo muri Tanzaniya na Nak wo muri Australia.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO