Eddy Kenzo yaraturitse ararira avuga ko hari abantu bashaka kumwambura ubuzima

Eddy Kenzo uri mu bahanzi bakomeje kwitwara neza mu gihugu cya Uganda yeruye ahamya ko hari abantu bifuza kumwambura ubuzima ndetse yarenzwe n’amarangamutima ararira ubwo yarimo kuganira n’itangazamakuru mbere y’igitaramo yakoze kuwa 12 Ugushyingo 2022.

Ku munsi wo kuwa Gatandatu taliki ya 12 Ugushyingo 2022 umuhanzi ukomeye cyane mu gihugu cya Uganda Eddy Kenzo yakoze igitaramo cy’amateka ndetse atumiramo abahanzi batandukanye barimo Bruce Melodie, Harmonize Chameleon n’abandi.

Iki gitaramo cy’amateka cyagarukaga ku mateka n’ibigwi bye ndetse cyabereye ahitwa Kololo Independence grounds, gusa kuwa 14 Ugushyingo 2022 nyuma yo gukora iki gitaramo uyu mugabo ubwo yari muri Mestil Hotel yashimiye abafana be bitabiriye igitaramo ndetse aboneraho umwanya wo kubahishurira ko hari abantu bifuza kumwambura ubuzima.

Mbere na mbere Eddy Kenzo yahishuye ko hari abantu batifuzaga ko akora igitaramo cye ndetse ngo bifuzaga kucyangiza.

Uyu mugabo ubwo yavugaga ku banzi be yagize ati: mu by’ukuri hari amategeko agenga igitaramo ndetse mu gihe nta mategeko nangije sinzi impamvu abanzi banjye bashobora kunyangiriza.

Uyu mugabo yakomeje avuga ko ubuzima bwe buri mu kaga ndetse ngo hari abantu bahora bifuza kumwica.

Mu magambo ye yagize ati:Ubuzima bwanjye buri mu kaga ndetse hari abantu bashaka kunyica.

Kenzo ntabwo yigeze yerura ngo avuge abashaka kumwica abo aribo gusa yakomeje avuga ko arambiwe kandi aruhijwe n’abashaka kumugirira nabi.

Uyu mugabo kandi yavuze ko nta gahunda zijyanye na Polotike akoramo kuburyo byatuma hari abifuza kumwica.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO