Elion Victory muri Kenya asigaye ahuza umuziki n’imideli

Ngarambe Victoire wamenyekanye mu muziki nka Elion Victory yasohoye indirimbo nshya yise “Washa kibiriti” avuga ko ubu asigaye akora n’ibijyanye no kumurika imideli aho aba muri Kenya.

Elion Victory wakanyujijeho mu Rwanda mu ndirimbo nka “Amafaranga”, “Marita”, “Niko Ateye” n’izindi yasohoye indi nshya avuga ko akumbuye Abanyarwanda.

Aganira na Genesisbizz yavuze ko muri Kenya aho asigaye aba agikora umuziki kandi ko yongeyemo n’ibindi bikorwa birimo no kumurika imideli.

Ati “ Mfite Kompanyi yitwa MDT Entertainment irimo ibikorwa byo guhanga no kumurika imideli ndetse n’ibindi bikorwa by’umuziki.”

Indirimbo ye nshya yise “Washa kibiriti” ngo ivuga ku rukundo ruba rushyushye.
Ati “Muri make ni umusore uba muri geto noneho agakundwa n’umukobwa wo mu bakire akajya ahorana impungenge zuko bishobora kuba Atari urukundo rwa nyarwo.

Kandi nkuko tubizi urukundo ntirugira impamvu, iyo umutima ukunze nta mpamvu z’indi zo kwibaza ku mukunzi wawe wibaza aho aturuka.”

Uyu muhanzi udaheruka mu Rwanda avuga ko abazirikana ku mutima we.


Elion Victory uba Kenya yasohoye indirimbo nshya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO