Ellen DeGeneres yashenguwe n’urupfu rw’umwe mu bamufashaga kuvanga imiziki wapfuye yiyahuye

Stephen Twitch ni umwe bafashaga Ellen DeGeneres kuvanga imiziki (DJ) aho yapfuye bivugwa ko yiyahuye.

Stephen Laurel "tWitch" Boss yamenyekanye cyane nk’umubyinnyi w’inyana ya Hip Hop ndetse nanone nk’umwe mu ba DJ mu kiganiro Ellen DeGeneres’ talk show, Amakuru dukesha TMZ avuga ko uyu mugabo yasanzwe mu cyumba cy’imwe muri hoteli z’i Los Angeles afite igikomere cy’isasu aho bicyekwa ko yaba yarirashe bikamuviramo urupfu.

Urupfu rw’uyu mugabo rwashenguye cyane Ellen wari nyirabuja dore ko bakoranye igihe kitari gito ndetse bakaba bari n’inshuti mu buzima busanzwe usibye gukorana mu kazi.

Stephen w’imyaka 40 ngo yari umugabo uhorana urugwiro, agaha agaciro cyane inshuti ze agaha n’urukundo buri wese atarobanuye.

Ellen ni umwe mu bagaragaje ubutumwa bw’akababaro nyuma yo kumenyekana ko Stephen yapfuye.

Ellen yavuye zo atewe intimba kandi ko umutima we washenguwe no kumva iyi nkuru mbi, Yakomeje avugako yari umuryango we ndetse ko yamukundaga bitagira urugero ndetse akomeza asaba abantu gufata mu mugongo umugore we n’abana asize.

Mu bindi byamamare bikomeye byashenguwe n’urupfu rw’uyu mugabo harimo Michelle Obama wagaragaje agahinda yatewe na Stephen ndetse avugako ababajwe cyane n’abana batatu n’umugore asize mu bihe bitoroshye.



Reba ibihe Stephen yagiranye na Ellen DeGeneres

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.