Ellie Maniraguha wegukanye irushanwa Head’s up Music Competition yabonye impamyabushobozi mu bwubatsi

Ellie Maniraguha nyuma yo kwegukana irushanwa Head’s up Music Competition ryateguwe rikanaterwa inkunga na Genesis TV, Ubu yamaze kwibikaho impamyabushobozi yo mu bwubatsi mu ishami ryo gushushanya imbata z’amazu rizwi nka Architecture Design.

Uyu musore akomeje kuba umunyamugisha kuko nyuma yo kwegukana akayabo ka miliyoni yahembwe na Genesis TV, akiyongera mu ba miliyoneri bakiri bato, Ubu yegukanye n’impamyabushobozi mu bwubatsi.

Mu kiganiro na Genesisbizz, Ellie yatubwiye ko iyi mpamyabushobozi yayikuye muri Nziza Training Academy aho yize igihe gisaga amezi atandatu ibijyanye no gushushanya imbata z’amazu.

Nyuma y’ibyo hiyongeyeho amezi atatu y’imenyerezamwuga, aho bahise bahabwa impamyabushobozi zibemerera gukora akazi nk’abanyamwuga ku isoko ry’umurimo.

Iyi mpamyabushobozi imwemerera kwitwa ’Architectural Designer’ ku isoko ry’umurimo aho abifatanya n’umuziki nyuma yo guhiga abandi mu irushanwa Head’s up Music Competition ryabaga ku nshuro ya mbere riteguwe na Genesis TV.



Ellie Maniraguha yishimiye impamyabushobozi yabonye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO