Elon Musk yemeye guhindura ibiro bya Twitter ashyiramo uburiri kugirango abakozi b’abanyamurava bajye baryama ku kazi mu gihe ari kenshi

Kuri ubu ibiro bya Twitter byamaze gukorwamo amavugurura kuko hashyizwemo ibitanda bishobora gufasha abakozi kuryama mu gihe bagize akazi kenshi bikaba ngombwa ko barara ku kazi.

Ku ikubitiro iyi nkuru yamenyekanye ubwo BBC yashyiraga hanze amashusho agaragaza ibiro bya Twitter byarahinduwe ndetse hagaragaramo ibitanda bishobora gufasha abakozi kuryama mu gihe bagize akazi kenshi.

Biravugwa ko ubuyobozi muri Leta ya San Francisco ngo bwatangiye gukora iperereza ndetse ngo burifuza kureba niba Elon Musk atarangije amategeko agenga inzu zijyanye n’akazi.

Elon Musk yakoze ibi kugirango arusheho kubyaza umusaruro abakozi be kuko ngo ateganya ko abazajya bafatwa n’amasaha mu kazi ngo bagomba kujya barara mu buriri buri aho bakorera.

Umuntu wahoze akorera Twitter yahishuye ko Elon Musk we amaze igihe kinini arara ku kazi kuva yagura uru rubuga.

Elon Musk aherutse kwandikira abakozi b’uru rubuga bose ko “bagomba gukora cyane” kugira ngo bagere ku ntego biyemeje ndetse ngo utazagaragaza umurava agomba kuzandika ibaruwa isezera ku mirimo ye.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.