Elton John yasubitse ibitaramo yagombaga gukorera I Paris

Icyamamare mu njyana ya Rock na Pop Reginald Kenneth Dwight wamenyekanye nka Elton John yatangaje ko yasubitse ibitaramo byo gusezera ku bafana byagombaga kubera i Paris mu Bufaransa bitewe n’impamvu z’Uburwayi.

Ibi yabitangaje kuri uyu wa kane ko akomeje guhatirwa gusubika ibitaramo yateganyaga gukora agafata ikiruhuko kubera ibibazo by’ubuzima.

Nkuko yakomeje abivuga yagize ati "Ibitaramo byanjye byo gusezera bizakomeza bitegerezwe mu gihe ntegereje kubagwa ku kibuno nyuma y’uko nguye ubwo nari mvuye mu biruhuko by’impeshyi."

Ibitaramo bye i Paris, byari biteganijwe ku ya 10, 12 na 13 Ukwakira 2021 kuri Accor Arena, none byashyizwe ku ya 25, 27 na 28 Kamena 2023.

Elton Yasoje agira ati “Ndabizi ukuntu kwihangana ku bafana banjye bigoranye ariko barabizi ko Covid-19 yatumye ibintu byinshi bihagarara umwaka wose ibintu byatumye ngira ikibazo gikomeye gukomeza gutegereza kubataramira ariko ndabizeza neza ko Umwaka utaha Ibitaramo bizongera bigakomorerwa tukongera tukishima."

Elton John yamenyekanye mu ndirimbo nka Sacrifice, candle in the wind, Sorry Seems to be the hardest Word n’izindi nyinshi zatumye umwamikazi w’ubwongereza amuha izina ry’icyubahiro rya Sir.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO