Episode 01 ’You are Mine’: Uburyo nabonye urubavu nari narabuze

Dutangiriye mu rugo rumwe aho wabonaga ari umuryango wishimye mbese batagize icyo babuze na kimwe,hari umubyeyi w’umugabo witwaga Bernard hamwe n’umugore we witwaga Agnes ndetse n’abahungu babo 3, umukuru yitwaga Allen ,umukurikira akitwa Shadad, umuto akitwa Manzi bose bari abasore ubona ko bakuze bihagije.

Bari bicaye muri salon barimo baganira hashize akanya haza umukobwa mwiza cyane yari abazaniye icyayi ubwo buri wese amuhereza itasi nuko ahita ajya kwicara iruhande rwa Allen. Nuko umubyeyi Bernard ahita abwira Shadad ngo ariko wowe utegereje iki ngo utwereke umukazana ubu ntabwo ubona uburyo mukuru wawe Allen yishimanye n’umugore we, nukuri gira vuba ushake nawe umugore.

Shadad yahise abwira papa we ngo rwose njye ibyo kuzana umugore sibinshishikaje ngomba kwita ku kazi kanjye mbere ya byose umugore nawe azaza nyuma, ubwo umubyeyi we Agnes yahise amubwira ngo ariko mwana wa ubwo ntakibazo ufite reka ejo bundi Manzi azashake maze usigare wenyine, Manzi nawe yahise abwira mukuru we ngo nyamara bro ushatse wakumva ibyo bakubwira, Shadad yumvise bamurambiye ahita ahaguruka ajya mucyumba cye, Agnes ahita avuga ngo ariko ubanza barandogeye umwana pe, Allen yahise ababwira ngo mumureke ndaza kuvugana nawe mbimwumvishe kandi ndabizi araza kwemera.

Tuvuye aho tuze kurundi ruhande, ubwo hari naho umuryango ubona ko udakize ariko babanaga neza mu bukene bwabo ,yari umugabo witwaga Joel n’umugore we akitwa Rebecca ariko bakundaga kumwita Becca hamwe n’abakobwa babo wabonaga bari mu kigero kimwe umwe yitwaga Angel undi akitwa Ella, ariko abo bakobwa bombi bari batandukanye cyane, Angel yaritondaga cyane, akunda gufasha maman wabo imirimo yo murugo ariko Ella we siko yari ameze yari umukobwa w’umwibone, utaragiraga ikintu na kimwe yakorera iwabo ariko bose bari beza birenze ukwemera.

Nuko rimwe papa wabo yicaye hanze arikota akazuba nuko ahamagara Ella aramubwira ngo genda unzanire amazi ninywere nuko Ella ahita abwira papa we ngo kuki utayatumye Angel, nuko se aramubwira ngo ndavuze ngo genda unzanire amazi Nuko agenda ari kwivovota ageze mu gikoni ahasanga Angel ari guteka kuko maman wabo yari yagiye ku isoko nuko Ella ahita abwira Angel ngo papa arambwiye ngo mushyire amazi nuko Angel ahita amubwira ngo Wambabariye nkayaguha ukayamushyira kugirango ntashiririza nuko Ella ahita amusubiza ngo ndakwiyamye yajyane cyangwa uyareke , Angel yabonaga ntakundi yabigenza ahita asuka amazi ayashyira papa we ariko mukugenda yasize abwiye Ella ngo amurebere bidashirira, amaze guha amazi papa we , yaramubajije ngo ko nari nyatumye Ella kucyi atariwe uyazanye ?

Angel yahise abeshya papa we ngo musize arimo guteka ariko impamv yamubeshye nuko yangaga gutukisha murumuna we, ubwo Ella yashirije inkono , Angel asanga ayihagaze iruhande nuko ahita amubaza ngo ariko wabaye ute ibiryo bishirira ubihagaze iruhandee ntano kubivanaho!!!!,

ntakindi Ella yamusubije uretse kumubwira ngo ntabwo bindeba nagato arangije aramwimyoza ahita asohoka, Ubwo maman wabo yari avuye guhaha arimo gutaha imodoka iba iramugonze agwa mu muhanda....

ubundi kugirango bamugonge dore uko byagenze ni uku

Shadad yavuye iwabo yarakaye cyane ahita afata imodoka ye aragenda ,ageze mu nzira Allen yaramuhamagaye amwumvisha ko agomba kumvira iwabo ubwo rero baratonganye nibwo yahise agonga maman waba Angel ariko nawe ntiyabishakaga, ubwo yahise asohoka afatanya n’abandi bantu bamushyira mu modoka bamujyana kwa muganga, hagati aho hari umugabo wabibonye ahita ajya kubibwira se wa ba Angel bahise bagenda bajya kumureba ariko basanze atameze nabi nka mbere kuko bari bamwitayeho bishoboka,

ubwo Angel ,Ella hamwe na papa wabo binjiye aho maman wabo yari arwariye , Angel yahise agenda yegera maman we aramubwira ngo ma ndakwinginze ntudusige (yabivugaga arimo arira) ubwo papa wabo yahise asanga Angel aramubwira ngo humura maman ntabwo ari bupfe bambwiyeko ntakibazo gikomeye yagize, ariko Ella we wabonaga ntakintu bimubwiye na gato, ubwo yahise yerura abwira Angel ngo ariko wagiye ugabanya imiteto ubwo se urabona atakiri muzima, bakiri muri ibyo Shadad yahise nawe yinjira aho ,arababwira ngo rwose mumbabarire nanjye sinifuzaga ko uyu mubyeyi namugira gutya nanjye nari nataye umutwe, atararangiza kuvuga Ella yahise amusubiza ngo ntakibazo rwose nubundi ntacyo yabaye (yarebye bwa mbere Shadad yumva aramukunze) , Angel yahise ahindukirana Ella aramubwira ngo ariko Wabaye ute ko ibintu byose uba wabifashe nkaho ari imikino ubuse uravuga ngo maman ntacyo yabaye ureba ameze gutya?

Shadad yahise asubiza Angel ngo rwose nanjye sinabyifuzaga, Ella nawe ahita avuga ngo ariko urikumwinginga kubera iki asyi mwihorere ,

Ubwo papa wabo yahise avugira hejuru ngo ndavuze ngo Ella sinongere kumva hari ijambo ryongera kugusohoka mu kanwa umaze kurengera cyane.

Ubwo bakiri muri ibyo docteur yahise yinjirana numuforomo abasaba ko baba basohotse ho gato cyakora papa wabo akamusanga mu biro akagira icyo amubwira.

Angel, Ella na Shadad barasohotse bageze hanze Ella ahita yitanguranwa abwira Shadad ngo Hey nitwa Ella , Shadad ahita amubwira ngo nanjy nitwa Shadad, ariko yabimubwiraga yirebera ubwiza bwa Angel, gusa Angel ntiyari abitayeho, hashize akanya Angel abwira Ella ngo ngwino dutahe, dutegure ibyo kugemurira maman, Ella ntakindi yamusubije yahise amubwira ngo jyenda ubitegure njye nta mwanya mfite, Shadad yarumiwe areba uburyo abo bakobwa batandukanye cyane, Angel yahise ataha, nuko Shadad ahita abwira Ella ko nawe agiye.

Hashize akanya Shadad ageze iwabo yahise yinjira mucyumba cye atangira kwisetsa yibuka ubwiza butatse Angel, nuko akiri muri ibyo Manzi yahise yinjira ariko Shadad ntabwo yamenye ko Manzi yinjiye aho kuko ubwenge bwe butari buraho, ubwo Manzi yahise amukanga Shadad aramubaz ngo wowe winjiye hano ute? Manzi ahita amusubiza ngo ahubwo wowe ukambwira ibyo wari urimo utekereza, Shadad yarasetse ahita amubwirango nanjye ubu nabonye ....!!!¡!!!!!

Ese Shadad ni ibiki yabonye yari agiye kuvuga ?
Ntuzacikwe n’ibice bikurikira by’iyi nkuru

Genesisbizz

Related Articles

Ibitekerezo

  • - ineza sandrine

    thanks for let me write here, I just want to give you long story if you accept me you can reply me in my email thanks.

Igitekerezo cyawe kirashyirwaho aruko gisusumwe

TANGA IGITEKEREZO