Episode 100: Najye si njye yaje nyuma, mburira umugisha ku kirwa cy’ ihirwe

Nabanje guhagarara mbura icyo nkora, nawe akomeza kundeba adahumbya, ntera intambwe nawe atera indi mugeze imbere ikiniga kiranganza, Teta nabonaga ko atanyibuka akomeza kundeba nkutanzi, nyuma y’ akanya katari gato twongeye guhuza amaso.

Nagize ngo ahari n’ umwijima wamubuzaga kumenya, maze mubwira nshize amanga nti…

Njyewe-“Teta! Teta! Ndi Songa! Ndi uwanze kwemera ko wagiye ukansiga, ndi utarigeze yibagirwa ko wampinduye mushya, nyibuka ndi uwo wakunze nkamubura mureba, nduwagukurikiye umuvumba w’ ikiyaga ukagutwara ndeba, ngerageza kuramira amagara yawe umunsi wiyanze ugafata umwanzuro wo kwiyambura ubuzima”

Teta-“Ngo? Songa! Songa?”

Njyewe-“Ni njyewe Teta! Ni njyewe rwose, ni njyewe wasiganiwe kuza ngusanga aho uri, uwanzanye aha yansanze ku giti cy’ inganzamarumbo naturagaho agahinda nganya nzi ko wapfuye,

Ntabwo namenye impamvu yatumye uwo musare anzana kuri iki kirwa k’ ihirwe ndetse akantegeka guhakwa, naje kumenya nyuma ko yamenye uwo naganyaga mubwira, akangeza aha agiraga ngo nkunde nkwegere nzabone ko ukiriho, sinzasubire ukundi gutura agahinda ku nkombe munsi y’ igiti k’ inganzamarumbo,

Teta! Ndi Songa utarigeze akwibagirwa na gato, nagerageje guhinduka ndetse nshaka umunezero mu bandi no mu bindi byose ariko nakwibuka ko ntagifite uwampaye amahirwe mu buzima ngasubira bubisi”

Mu gihe nari nkibwira Teta yahise angwa mu gituza menya ko yibutse byose mufata akaboko tuva aho hantu, duca mu marembo yo mu gikari dufata inzira ijya mu murima mugari wari urimo ibiti by’ imbuto nakundaga gukorera mu buhake bwanjye, niho twageze maze turicara ndamwiyegamiza turabohoka Teta atangira kumbwirana ikiniga kivanze n’ amarira menshi,

Teta-“Songa! Ni wowe ndakwibutse, muri byose nibagiwe ni wowe nibutse nyuma y’ ibihe, icyo nsigaje kumenya ni kimwe, nuko naba ndi mu nzozi cyangwa ntazirimo, ubu se koko birashoboka?”

Njyewe-“Ntabwo uri mu nzozi Teta, ibuka ujya kwiyahura ugasiga agapapuro wanditseho ngo Nanjye si njye, ibuka ko umunsi duherukana wantuye amarira ugasiga neretswe imiryango aho nakuraga igeno, basi se Manager kabitera uramwibuka?”

Nyuma y’ akanya katari gato Teta aganjwe n’ amarira,

Teta-“Songa! Ndabyibutse, umbabarire nibagiwe byose, ariko nanjye si njye nabaye nkuvutse bushya”

Njyewe-“Basi se urakibuka umuryango wawe, Gihozo, Denise na mukecuru?”

Teta yongeye guturika ararira nkomeza kumuhoza, nibwo namenye koko ko mu gihe cyari gishize yibagiwe byose nkuko yabimbwiraga.

Nyuma y’ akandi kanya,

Teta-“Songa! Ndibutse! Byose ndabyibutse! Ubu se koko nkubwire iki? Mpere hehe mvuga ko nta magambo mfite yabisobanura, nanjye si njye…nabaye igitambo nkisanga nanze ubuzima bwo kubaho mbana nuwo nta kunze ibyo ntari nzi ko bizagera aho niyanga,

Njyewe-“Ndi hano ngo nkumva Teta! Niyo mpamvu nkwiyegamije, ibyo kukubura nkureba, ibyo guhinduka mbibona byabaye nk’ umugani, nkomeza kwizera ko isezerano ridasaza nkubuze sinakwibagirwa nkomeza kuguha agaciro ukwiye nkuwo namenye ntagombaga kureka ngo uzime ndiho,

Nyuma yuko nkubuze nakomeje ka kayira kajya iwanyu ariko abavandimwe bawe barampinda yewe ntibanyumva, Manager akuramo ake karenge asiga byose, murumuna we wizeraga sinongera kumuca iryera hato ngo batazakubazwa,

Ese ubundi byagenze bite ngo uhitemo umwanzuro wo kwikingirana mu nzu bikarangira ufashe iy’ ikiyaga ngo wiyambure ubuzima? Mbwira nguteze amatwi kandi niyo mpamvu ndi hano, nuko nagukunze kandi urukundo nzi ko rukora byose, mbere yuko utangira ubuzima bushya siga ugize icyo umbwira nanjye ubuhake mbusezere mve kuri iki kirwa njyanye inkuru yuwo nakunze ngasitaza amano ariko nkashyirwa mugezeho”

Teta yakomeje gutuza hashize akandi kanya yitsa umutima ubugira gatatu maze arambwira,

Teta-“Songa! Nibutse byose! Umutima wanjye wari warabaye nk’ ibuye sinzi niba naranashoboraga guhumeka, ubwenge bwanjye bwibagiwe ibihe byiza mu gihe menyeye ko nkiriho nta kindi nibukaga ahubwo nihishaka nkuhigwa, kuba nkaba mu bwihisho wumve ko naho ndi ntahazi,

Ndabibona kandi ndabihamya ko wankundaga kandi ukinkunda, mu by’ ukuri, kuba nkubona aha sinzi amagambo nabikubwiramo, birenze ubwenge bwanjye, ntabwo nari nzi ko wamara igihe uba hano ntarakubona ariko wowe ubizi ko mba hano,

Uru rukundo rutagereranywa nirwo nakubonagamo Songa! Binyibukije inshuro nyinshi wanyigaragarije, birenze ukwemera gusa nta kindi nari nasize nkubwiye nuko nanjye atari njye”

Njyewe-“Teta! Buraje buke ushyingirwe, nyuma yo kureba ubukwe bwawe nanjye ndasezera nsubire aho naje nturutse kuko ntacyo nkiramiye, uwakuramiye yaragushimye agukunda byo kukugira umugore ariko nta rirarenga, ese uracyanyibuka? Ahubwo se isezerano wangiriye riracyariho cyangwa ryarashaje?”

Teta yongeye kuganzwa n’ amarira hashize akanya katari gato ambwira atuje,

Teta-“Songa! Hari icyo nibeshyeho, ntabwo namenye ko uri ukundo ari igice kimwe kigize umuntu, ntabwo namenye ko ruganza umutuntu kurwitwaza bigakiza bimwe bikangiza byose,

Numviye abavandimwe ntegekwa gukunda ariko biranga, Manager yambereye ikigeragezo gikomeye mba iturufu yo kubaho k’ umuryango wanjye, aduha ibyo twibwiraga ko kiruta ibindi kirakunyibagiza…ndavuga ifaranga!

Songa! Burya umunsi wa nyuma tubonana, niwo yanjyanye kuntetesha birangira ashyizeho ingufu angira umugore we narabifataga bikino, kuri njye numvaga ndi kumutwara nigengeseye ngo akomeze afashe abanjye ariko kandi urukundo rwanjye rwari mu biganza byombi nibwira ko nyuma y’ ibihe nzaruguhereza,

Nyuma y’ iminsi mbaye umugore nibwo nafashe umwanzuro wo guhunga, nigira umutesi nkuwakiriye byose, nkora icyaha mwiba amafaranga njya kwicumbikira gusubira iwacu byo ntibyarimo kuko nari narazinutswe abanjye banguranye amagana ngo nkunde mbarengere nyamara mu minsi namaze nikingiranye naricujije nibaza impamvu yatumye mbikora,

Nisanze aha Songa! Nabwiwe ko narohowe, ndetse nkazanwa hano, ubu mpayeho uko wansanze, buracyeye ngiye gushyingirwa uwantabaye kuko ari igihembo kuri we, ntabwo ngiye kuko nakunze…nakunze rimwe ntabwo nzakunda kabiri, nanjye si njye, naramiye umuryango wanjye nisanga mu nyenga y’ umuriro, iyo nza kumenya ko ubushobozi busumba kure ubushake n’ amahitamo ya muntu ntabwo nari kurota kwiyahura kubera kwanga kwibabarira…byose kubwawe Songa!”

Nyuma yayo magambo ya Teta umutima narawikije, urugendo rwanjye rwari rurangiriye aho, namenye impamvu umusare yanzanye ku kirwa k’ ihirwe, wari umwanya wo gusezera Teta nkamureka akabana n’ umuhungu wa Databuja ngataha nkajya gukomeza ubuzima.

Njyewe-“Teta! Byibuze kuba uriho niyo nsinzi y’ urukundo, nubwo ugiye kubana nuwaramiye amagara yawe ariko nawe yaragukunze, nanjye kuba ndi hano nuko nagukunze, nta rukundo ruba akana, urukundo ntiruhindura izina rwemera n’ uwari witunze agahakwa,

Reka bucye ndebe uvugirizwa impundu ubundi nzakomeza njye gushaka umusare, abawe nzabahumuriza wenda igihe kizagera uze udusure, gusa ntabwo nasiga ntakubwiye ko njyanye intimba ku mutima.

Teta-“Songa! Iyaba hari icyo nagakoze nakagikoze ariko ntibishoboka, ubu ndatwite!”

Nikije umutima nemera byose menya ko ntagaruriro mu marira menshi tuva aho hantu, dusubira mu rugo.

Mu gitondo ingoma zarasutse abakozi twese tujya gushungera ubukwe, mbonye Teta amaze gutangwa nzinga utwanjye mfata inzira ntasezeye.

Nanyuze kwa wa musare wanzanye ku kirwa cy’ ihirwe, ndamushimira ndetse ndamusezera mubwira uko byagenze, aramperekeza aranyambutsa arampepera nya gutega imodoka, ngera I Kigali naguye agacuho.

Nyuma y’ iminsi ibiri Gentil yansanze mu cyumba,

Gentil-“Ariko wowe uzaryama kugeza na ryari? Abantu barasaze baracyashaka ibyangombwa by’ inzu naho wowe ngo uvuye ku kirwa ngo nta kintu ushaka gutangaza?”

Njyewe-“Ariko Gentil! Ko wahindutse cyane koko, nawe si wowe n’ ibyisi byagutwaye usigaye utagiha n’ agaciro umuntu?”

Akivuga telephone yarasonnye, ayitaba vuba, mbona asohotse yiruka nanjye ndabyuma mwoma mu nyuma.

Twageze muri parking yinjira mu modoka nanjye nyinjiramo dufata umuhanda, feri ya mbere yaparitse ku bitaro, aho nari ngeze bwa mbere, mu kwinjira nakubise amaso Mama Belinda,

Gentil-“Ngo bimeze bite Mama Beli! Ngo ninde urembye unshaka?”

Mama Belinda yagiye imbere Gentil akomeza kumukurikira nanjye biba uko twinjiye mu cyumba kimwe ntungurwa no kubona Boss…Papa Joannah ndetse na Joannah wari kumwe na Moses bamwiyegamije.

Mama Belinda-“Nguyu Gentil! Umuhungu wawe ndamuzanye ndetse ngibi n’ ibyangombwa by’ inzu wamwanditseho ninjye mbifite! Navumbuye ko yambeshye amazina ariko kandi namenye mbere isano y’ amaraso yacu! Burya umunsi muza gushora urubanza ibi byangombwa narabibonye mbikenyereraho, iyi nzu igomba kuba iy’ umuhungu wawe kuko ni umwana wawe njyewe nkaba nyina”

Twaguye mu kantu twese Gentil biramurenga, ndetse amarira yanga gutemba ajya mu nda, ayarira avuga ubuzima yabayemo atotezwa yitwa Kibihira, ahozwa ku nkeke nuwo atari azi ko ari Se….

Iherezo.

Ndashimira mwe mwese nshuti z’ impano yanjye mwakunze mukabana nanjye muri iyi nkuru ndende nise “Nanjye si njye” izi ntambwe ijana duteranye zizatubere impamba y’ ubuzima twifuza kuzabamo n’ abazadukomokaho,

Nk’ umwanditsi wayo nandika, nagerageje kugera mu ndiba y’ umutima ngo umunsi ku munsi ngo mbaburire ko “Nanjye si njye” iza nyuma, nshingira ku rukundo kuko ari rwo ruba muri twe ariko kandi sinirengagize ubuzima rusange.

Nagerageje kandi kubaka urukundo rutagenda mu muyaga uru rusamwa na bose bakarwitirira urutarirwo, nandika rwa rundi abavandimwe n’ imiryango inangira bikarangira buri wese avuze ngo “Nanjye si njye”

Nanjye si njye iza nyuma, kwibeshya nta kibikosora usibye kwiyakira no kwicuza, gusa ntuzacike intege uzakomeze kugeza ku nkombe munsi y’ igiti k’ inganzamarumbo,

Uzahe umwanya umutima ukuganirize, ukwibutse naho wabura amahirwe amwe hari andi, ayo niyo yawe, niba atari wowe, nawe siwe…

Nubwo wavuga ngo “Nanjye si njye” bizagusigira bimwe muri byo, gukunda ukiyibagirwa ukisanga warabaye cya kirondwe…bigusunikira mu kwimenya no kwiyubaka n’ abawe, gukora no kubana ibindi byose bikaba amahirwe, nyuma yabyo urw’ ukuri ruguha ikizere byibura ka kuya wabize kakabona agaciro!

Ba wowe, wikwiyihakana utaziyanga ukiyibagirwa ukibagirana kandi wararemanywe imbuto nziza y’ urukundo! Gerageza ntukinishe urukundo, ubane ryo banga ryo
kubaho, wowe ufite urukundo menya ko hari uguha agaciro wakwemera gusiga byose kuruta amagambo n’ inama ugirwa, utazicuza umunsi buri wese azaba aguhunga avuga ati “Nanjye si Njye” ahubwo uzambuke ugere ku kirwa k’ ihirwe aho nifuriza buri wese guhakwa agataha aruhutse!

Ni umwanditsi w’ nkuru ubakunda cyane kandi ubifuriza ibyiza, uwifuza kubaho ku bwanyu, ubagenera byose Imana yamuhaye mu ntekerezo, akabibaha mu nganzo y’ nkuru.

Nshimiye kandi by’ umwihariko mwe mwanteye ingabo mu bitugu umunsi ku munsi, ibitekerezo byanyu ni umugisha ukomeye wanyu no kubanyu.

Mwarakoze kumpa ikaze mu maso yanyu, umutima ukakira, ubwenge bukayobora inzira muzacamo mudatsitaye mukurikije iyi nkuru, muhumure igihe ngihumeka ndacyari uwanyu kandi murisanga.

Umwanditsi w’ inkuru ndende kuri Genesisbizz.com

Arien Urwibutso Kabarira (Eddy)
Contacts: +250 722 235 731
+250 783 324 411
uri.kabarira@gmail.com
*****************************

Genesisbizz

Related Articles

Ibitekerezo

  • - Jimmy

    Urakoze Cane Eddy Nanjye Sinjye Ndayikuyemwo Amasomo Meshi Kandi Irananyubatse

  • - Jimmy Ndayishimiye

    Wakoze Cane Eddy Rwose Nanjye Si Njye Ndayikuyemwo Inyigisho Zinza.Songa Yakunze Urukondo Yarwo Kandi Nta Teta Rwaruko Naho Umuryango Utamubaniye

  • - Jimmy

    Wakoze Cane Eddey Kwr Nanjye Si Njye Ndayikuyemwo Inyigisho Zikwiye.Songa Atahiye Aho Ariko Yakunze Urukundo Rwa Nyarwo Kandi Na Teta Vyaruko Nubwo Umuryango Utamubaniye. Imana Iguhe Umugisha Ukomeza Utwungura Ubumenyi

  • - Gogo

    INKURU NDENDE ZAGIYE HEHE GENESIS KO TWAZIKUNDAGA? MUDUFASHE MUTWIBUKE

  • - Jean de Dieu NKUNDIYAREMYE

    Eddy n'ukuri ugira inkuru ziryoshye kandi zirimo inyigisho, gusa families zakunda ibintu zikabirutisha burukundo byatuma zitegeka abana babo ibyo badashakugirango babone amaramuko, bigireho ko baba barimo guhemuka bikaba byatuma habaho kwicuza by'igihe cyose cy'ubuzima biturutse kukuba batarashishoje. Teta nawe ntago twamurenganya yihangane yagize abuzima bugiye bushaririye kandi bigaragarako yagiriraga n'ishyaka umuryango we ariko nanone biratwigisha ko mbere yo kwemera no gufata uwanzu ukwiye gutekereza kabiri. Ababyeyi nabo bameze nka Papa wa Gentil bakwiye kwikosora kandi no kugira neza ukwiye kubikorera bose kuko ushobora kwihemukira ugirango urahemukira abandi bityo bikazakugora kwikiza ako gahinda ko guhora wicira urubanza rwibyo wakoze. nsoza reka nkwisabire uduhe akandi ga story dore iminsi ibaye myinshi, Thanks a lot.

  • - Felix nambajimana

    Warakoz cyane kubwinyigish waduhay gusa inkur irangiy tutameny amaherez ya songa nyuma yo kubur urukund byababyiz udushakiy season 2

  • - Geanne

    Eddy rwibutso ntacyo narenzaho bibaye nkakugira ngakuza Impano yawe yagera kure hashoboka kuko urashoboye pe, nanjye si njye

  • - Aude

    Ubwambere n'a mbere mbanje gushimira umwanditsi kubwinyigisho aduha Imana ikomeze kumuha ubwenge nokwigisha abatuye isi iyo nkuru inkoze kumutima Kuko nta Kure habaho Ngo hatume wiheba ahubwo ha agaciro ibitekerezo vyawe ukore udakoreshwa ni Shari ahubwo ukoresha nurukundo rumwe rutagira imbereka gusa nyine nanje sinje Iza nyuma Ubu teta agiye kubaho ababaye iyo atuma aguma ataco yibuka Ubu agahinda Niko kagiye kumwegura Gusa nizerako iyo ari season yambere iheze dutegereze season yakabiri

  • - Elie Le Petit

    Thank you very much,it was amazing,wonderfull and joyfull to be with you alongside this story.my ideas,many things helpfull in the life are listed there,l think anyone to understand had understood.thanks again

  • - Alsina cynthia

    Yallah! Mbega gusa ntakundi birangiye neza Gentil abonye ababyeyi be, ndizera na songa ubuzima bwarakomeje akabona urundi rukundo. Mwanditsi warakoze nukuri uduhe nindi nkuru Basi nziza, iyi maze kuyigiramo ibintu byinshi, warakoze cyane wampumpuye amaso.

  • - Daniel Byiringiro

    waaaaoooo Thank you so much Mr Eddy, Imana iguhe umugisha utagabanije muri byose, uri umwanditsi mwiza, knd ufasha imitima ya Benshi, iyi nkuru yari yiganjemo byinshi knd by'impanuro, ntakindi nagusabira Ari umugisha wuzuye utangwa na Nyagasani Bro🤝

  • - K.Joseph Vinny

    Wakoze cyane Eddy rwose Nange singe irambabaje pe Songa Atahiye aho ariko yari yarakunze urukundo rwa nyarwo kd na Teta byaruko nubwo umuryango utamubaniye Urumuhanga aho gukorwa hose wagezeyo ndagushimiye cyane Imana ikomeze ikwagure muri byose

Igitekerezo cyawe kirashyirwaho aruko gisusumwe

TANGA IGITEKEREZO