Episode 14: Boss wa Danny yiyemeje kumuha umuti umusinziriza muri hoteli ngo amwegukane

Mu gice cy’ubushize duherukana Willy na Boss wa Danny (Funny) bari gupanga umutego ukomeye wo gutandukanya burundu Noella na Danny, Kugirango Funny yegukane Danny na Willy yigarurire Noella, Ese byagenze bite ? Reka dukomeze.

Funny yahamagaye Danny mubiro bye kuri telefone:

Funny::: Allo, Danny ndagukeneye muri office yanjye byihutirwa
Danny::: Yego ndaje Boss,
Funny::: Sinakubujije kunyita Boss, jya umpamagara Funny
Danny:::Yego

Hashize akanya gato, akomanga ku muryango w’ibiro
Funny:::Injira
Danny::: Ndabita Boss, nako Funny
Funny::: Yego,
Urakoze cyane, nagirango nkumenyese ko Muri iyi weekend
dufite amahugurwa y’akazi ku Gisenyi, Tuzagenda ku wa gatanu nimugoroba
tugaruke ku cyumweru, nahisemo ko ari wowe tuzajyana
utangire witegure

Danny: Tuzamara iyo minsi yose mu mahugurwa??
Funny::: Yego, Hari ikibazo ?
Danny:: Ntacyo
Funny::: Ngaho genda witegure rero,
reka mvugishe bamwe mu bazaduha amahugurwa no kuri Hoteli batwitegure

Danny asohoka mu biro tubona Funny ahaamagara umuntu kuri phone,
kumbe ari guhamagara Willy.

Funny::: Willy, umupango wanjye maze kuwutegura, Danny amaze
kunyemerera ko tuzajyana i Gisenyi mubeshye ko hari aahugurwa
rero nawe niwowe usigaje kumpa wa muti wambwiye?

Willy::: Yego uze kuza duhure nyuma y’akazi nkwereke uko uzawukoresha, kandi humura ntacyo uzamutwara kuko ni uwo kumusinziriza.

Funny::: Sawa ndaza kuguhamagara

Nyuma y’akazi batwereka Funny yahuye na Willy amuha umuti amubwira ko ari uwo gusinziriza Danny, ko agomba kuzawuvanga mucyo kunywa, ubundi akazamwifotorezaho baryamanye muri hoteli, kugirango bizarakaze Noella ahite amwanga Funny nawe akomeze akundane na Danny.

Ntibwatinze ku wa gatanu byarageze, akazi karangiye tubona Danny na Funny bitegura bafite n’ibikapu birimo imyenda n’ibindi bikoresho nkl’abantu bagiye mu mahugurwa bazamaramo iminsi.

Niko gufata taxi voiture berekeza i Gisenyi bagenda baganira, ariko ubona Danny asa n’utisanzuye.

Ntibyatinze bageze i Gisenyi bwije bananiwe, basanga hoteli yabiteguye banafashe ibyumba bitandukanye, bakigerayo Funny abwira Danny ati reka amutumirize ako kunywa.

Funny::: Serveur, tuzanire Fanta ebyiri zikonje, njye ndanywa orange, uyu umuzanire Coca.
Serveur: Yego reka mbazanire,

Danny abwira Boss we: iyo ubanza ukareka tukabika ibikapu tukabona gusangira.
Funny::: Ntakibazo wagenda ukabibika , uransanga aha, reba uriya mukozi agufashe anakwereke icyumba uri buraremo
Willy::: Yego reka njye kubika ibi bikapu ndagusanga aha

Hashize umwanya muto ibyo kunywa birahagera, hagati aho Danny yari yagiye kubika ibikapu, Funny niko kwicinya icyara ati mbega byiza, ahita afata wa muti yahawe na Willy, awuvanga muri Fanta yasutse mu cyirahure mbere y’uko Danny agaruka

Hashize akanya gato Danny aragaruka, atangira kunywa ya fanta atazi ko bamutezemo umuti usinziriza, gusa nyuma y’akanya gato Danny yumva atangiye kugira isereri

Danny::: Ndumva umutwe undya cyane n’isererri sinzi icyo nabaye
Funny::: Wabona ari urugendo rurerure twakoze
Danny::: Ndumva bikabije ahubwo reka mbe njyiye mu cyumba,

Ahagurutse arazengera yenda kwikubita hasi, Funny ahita amufata
Funny::: Reka nkufashe nkugeze mu cyumba cyawe, dore wari wikubise hasi

Baragenda bageze ku muryango, Danny abwira Funny ko ari bwigenze ataringombwa ko binjirana mu cyumba, gusa ku maso ubona nta ntege afite,

Funny aramurekura , Danny niko kubandagara ahita yikubita hasi,
Funny abonye Danny yikubise hasi agira ngo niwa muti umusinzije ahita afata phone
ahamagara umuntu yari yapanze ngo aze kumufotora.

tuze kuri Noella ku murongo wa telephone
NOELLA:::Allo Danny nako WILLY!
WILLY:::ariko nkawe inshuro zose unyita
uriya mushenzi ntabwo uramenya izina
ryanjye koko?

NOELLA:::sh mbabarira njya
nibagirwa
WILLY:::none se ko nategereje ko
wansubiza nkaheba??
NOELLA:::ndacyabitekerezaho
nzakubwira kuko icyemezo cyo
gushinga urugo sicyo kwihutira
ushobora guhubuka ukazicuza ubuzima
bwawe bwose.

WILLY:::ubaye uwanjye uba
utandukanye no kwicuza kuko buri
kimwe cyose kirahari n’amafaranga
arahari

NOELLA:::Ariko kabantu benshi bakunda
kwishuka ngo amafaranga agura byose?
mujye mumenyako amafaranga atagura
urukundo nyakuri kuko urukundo
rushora imizi aho rushakiye rutitaye ku
byisi.

WILLY:::ndumva uri mwarimu mu
rukundo da
NOELLA:::gusa namwe mubyirengagiza
mubizi kuko iyo urukundo rwaje
umwami akunda umujakazi we!
uzasome muri bibiliya amateka
y’umwari Esther.
WILLY:::sawa da ndumvise gusa
ndacyategereje igisubizo

Tugaruke ku gisenyi muri hotel Funny
we ntiyigeze asinzira yamaze kwifotoreza
kuri Danny amafoto menshi
baryamye,basomana,n’ibindi byinshi
gusa yategereje ko Danny yakanguka
yahebye. aratekereza ubundi afata
phone ese ahamagaye nde?

FUNNY:::bite sh willy(kumbe
ahamagaye willy)
WILLY:::amakuru FUNNY?
FUNNY:::ni mabi sh!!!
WILLY:::gute c kandi?
FUNNY:::maze kuva ejo yasinzira
ntabwo arakanguka byanyobeye?
WILLY:::none uragira ngo mbikoreho iki?
FUNNY:::willy ni wowe umbwiye utyo??
WILLY:::none uragira ngo nkubwire
ngwiki? ko ntari muri gahunda zawe!
(ahita akupa)

FUNNY biramuyobera gusa yigira inama
yo guhamagara Ambulance mu minota
mike bari bamugejeje mu bitaro bikuru
bya Gisenyi.

tuze kuri Willy n’inshuti ye Frank
baraganira gusa Willy yishimye
bidasanzwe

WILLY:::Frank nshuti nziza niba ushaka
n’inzoga ivuye muri USA bayikuzanire
kuko uri umuntu w’umugabo,ubu Funny
yampamagaye ambwira ko Danny yanze
gukanguka we aracyategereje ngo
arakanguka kandi yageze iyo ajya

Tuze kuri NOELLA ari mu cyumba cye ari
kureba amafoto ye na Danny
ari kuririmba indirimbo ya knowless
yitwa sinzakwbagirwa ageze ahagira
hati"" uko bukeye n’uko bwije niko
ndushaho kugukumbura ishusho yawe
yanze kamvamo ndagutekereza nkabura
amahoro mfite byinshi nshaka kukubwira
ariko ntuhari umutima usobetse
amaganya ntusobanura amagambo ngo
mbikubwire arakomeza ati"ndumva
natanga ibyo mfite byose ngo
ungarukire maze intimba n’ikiniga
biramufata araturika ararira.

Tugaruke ku Gisenyi ku bitaro bikuru
turabona FUNNY yicaye imbere ya
muganga

FUNNY::::muga mbwira rwose uko
ameze?
Docteur:::ubwo c nawe
Wamugirira impuhwe?? wamuhaye
uburozi c udashaka ko apfa??

FUNNY::::ngo ngo ngo
uburozi?????????
Docter:::dore mbese! ko watangira
kudidimanga c? uburozi nyine!
FUNNY:::ahita afata phone ahamagara
willy gusa willy yanga gufata phone,
Docter:::ahubwo reka mpamagare
police banjye kugufungira ubwicanyi
FUNNY:::oya muga oya rwose basi reka
twumvikane ariko umfashe.nzakubwira
uko byagenze nyuma

Docter:::umva rero uburozi mwamuhaye
burakarishye cyane isaaha iyariyo yose
yapfa gusa hari ikintu kimwe nagufasha
FUNNY:::mbwira muganga wo
kabyarawe ariko ntuntange ngo
bamfunge

Docter::::ugiye kunsinyira cheque ya
million imwe ubundi ndatanga raport ko
yagize umuvuduko wa maraso bitaribyo
ndagutanga
FUNNY:::sawa ndayaguha

tuze i wabo wa Danny mama we na
James barategura kujya i Gisenyi.

tugaruke kuri Funny yakomeje
guhamagara Willy munyuma aramufata

FUNNY:::ariko willy ubwo uzi ibyo
urigukinisha?wowe umbeshye ngo
umpaye umuti usinziriza umpereze
uburozi koko??

WILLY:::ibyumbwira ntabyo nzi kuko
ntagahunda mfitanye nawe muko.
FUNNY:::reka kwigira indyarya si wowe
uzi ubwenge gusa umva ibyo nkubwira
kandi ukurikize amabwiriza
WILLY:::Urambwira ik c?

FUNNY:::reka kwigira utyo twumvikane
burya cyakiganiro cyose twagiranye
hahandi ubwira uko tuzabigenza
nabifataga kuri record usabwa
rero kuba ugejeje million hano ku Gisenyi
saa 6:00 kugira ngo baduhishire
bitaribyo ayamajwi ndayatanga twese
tuborere mu munyururu na NOELLA
washakaga umubure

BUKEYE BWAHO TUZE KU BITARO NA
NONE
turahabona mama wa
DANNY,James,Funny kumbe na NOELLA
ntumbaze uko yabimenye kuko nawe
yahageze bose bafite agahinda ku maso
Bakiraho muganga asohoka mu bitaro
araza abahagarara imbere
mama Danny::: muga ntumbwireko
umwana wanjye yapfuye weeee oya
muga oya rwose ntiyapfa we!

Docter:::mutuze Kandi mugire
Kwihangana Twagerageje uko dushoboye
gusa..............................

Ese byagenze bite, Danny yaba yashizemo umwuka, ni iyihe nkuru Docteur agiye kubabwira,

Ibya Funny na Willy byo bizarangira bite, Ese Docteur azabavamo cyangwa azemera kurya amafaranga ababikire ibanga ?

Ntuzacikwe n’ibice bikurikira by’iyi nkuru IMBARAGA Z’URUKUNDO

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO