Episode 15 ‘You are Mine’: Umugore yarananije kuburyo byarangiye nisanze ntangiye gukundana n’umuforomo wanjye

Duheruka Shadad na Ella bari kutumvikana nyuma y’uko asabwe gusoma Ella kungufu cyangwa akazakorera ibikorwa bibi umugore we Angel. Ese byagenze bite ?

Nyuma Ella yarikubise aragenda ariko ntabwo yamenye ko Manzi yamugendaga runono, yaramukurikiye agiye kubona abona Ella hari hotel yinjiyemo arangije Manzi yahise afata fone ahamagara Bella (wa muforomo bamushakiye) amubwira ko amushaka byihutirwa ko ari bumusange kuri iyo hotel.

Ntamwanya munini yamaze amutegereje kuko Bella yahise amugeraho maze nabo bahise binjira bicara aho Ella yari kubabona neza, ariko Bella ntabwo yarazi Ella.

Reka rero tuze kubona Ella yasohokanye n’umugabo ubona ukuze cyane, ubwo Bella yabajije Manzi igitumye amuhamagara. Dore ibyo baganiraga:

Manzi : nagirango twiganirire gusa
Bella : uziko warunteye ubwoba nari nziko ufite ikibazo gikomeye
Manzi : oya ndi muzima ariko ubundi reka nkubaze ikibazo, ubundi ufite umuntu mubyumva kimwe ?
Bella : ubwo se ushatse kuvuga iki?

Ubwo Ella yarari kuganira na wa mugabo (Jacob)

Jacob : ariko Cherie kuki udashaka ko tubana ubona ntagukunda wabyemeye koko ukareka kariya kagabo kawe ibyo ushaka byose nzabiguha

Ella : sukubyanga gusa haribyo ngomba gukemura mbere nkabona gukora ibindi
Jacob : urashaka kubanza gukora iki?

Ella : ndashaka kubanza kuvana mu nzira mukuru wanjye kuko ambangamira sana
Jacob : apu ibyo biroroshye kandi niteguye kubigufashamo tukamuvana mu nzira

Tugaruke kwa Manzi

Manzi : ariko nawe ubwo ntiwumva ibyo nshatse kuvuga, ndi kukubaza niba ufite umukunzi

Bella : Manzi kuki umbajije icyo kibazo

Manzi : Ni ukugirango mbimenye ariko ntakindi ngamije

Bella : yego ndamukunda cyane ariko ntabwo abizi ko mukunda

Manzi: ubwo se kuki utabimubwira kandi ubwo wasanga nawe agukunda

Bella : sinabitinyuka kuko ntinya kongera kubabazwa , nakunze umuhungu
arampemukira oya nako reka njyende sinshaka kubivugaho kuko binjyana kure,

Ubwo Bella yarahagurutse n’agahinda kenshi arasohoka Manzi asigara amuhamagara, ubwo Ella na Jacob baramurebye ariko bikomereza ibyabo kuko Ella atagize amenya ko ari Manzi.

Ubwo bwarije Ella amaze kumvikana na Jacob ukuntu bazica Angel ariko mbere na mbere babanje kumuteranya na Shadad, Ubwo Ella yaratashye asanga Manzi aryamye ariko adasinziriye nuko Manzi ahita amubwira ngo ariko ubu koko urabona tudakwiye gushaka uburyo nawe wambyarira akana

Ella : umva nkubwire ubwa mbere nubwa nyuma ntamwanya mfite wo kubyarana nawe , uzashake abandi bazaguhe abo wifuza

Manzi : ariko se kuki unyanga bigeza aha icyo nawe ugomba kumenya nuko uri umugore wanjye

Ella : ceceka hatagira nukumva uvuga ayo mangambure

ubwo Manzi yagize umujinya n’uburakari ahita yegera Ella amukubita urushyi ahita amusunika ku gitanda ubundi amukorera ibyo yifuzaga ariko Ella ntiyabishakaga doreko yari anaziritse kugitanda.

Ubwo Bukeye bwaho Shadad yarI agiye kukazi akubitana na Manzi nawe agiye batangira kuganira basohoka mu nzu bataragera hanze Ella yaje yihuta ahamagara Manzi.

Shadad : reka nigendere uvugane n’umugore wawe (ahite agenda)

Ella : erega nta n’isoni ugiye utansabye imbabazi kubyo waraye ukoze

Manzi: nta kosa nakoze kuko biriya ni inshingano zanjye wanze kunezeza nkoresha imbaraga nyine

Ella : nzaramuka cyakora nsanze nasamye uzambona ariwowe ari umwana wawe nta numwe uzagira amahoro nibiba ngombwa nzanayivanamo

Manzi: uzibeshye harya wigize umwicanyi ruharwa ahaho tuzahangana kugeza umbyariye umwana

Ella yakomeje imigambi yo gutandukanya Angel na Shadad nuko yiga imitwe yuko agomba kubanza akigira inshuti kuri Angel kugirango azabashe kugera kucyo yiyemeje.

Ubwo yaragiye asanga Angel aho yari ari guha abana amata aramwegera atangira kumuganiriza,

Ella: umva Angel namaze kubona ko ibintu nakoraga atari byiza none nukuri nagirango ngusabe imbabazi twongere tube abavandimwe (arimo yiriza)

Angel : Ella wirira kuko ndabizi byose kandi narakubabariye
bahise bahoberana nuko Ella ahita abwira Angel ko hari cadeau amufitiye, yarayimuhaye mukureba yasanze ari télephone, Angel yabanje arayanga ariko nyuma aza kuyemera.

Angel yaje kubibwira Shadad ko yiyunze na Ella ariko Shadad aramubwira ngo umva mukundwa uriya mugore simwizera kuko afite ubugome bumwuzuye rero ugomba gushishoza.

Hashize iminsi Manzi afata imodoka yerekeza kwa Bella aho yabanaga na Maman we hamwe na musaza we,yagezeyo bamuha ikaze abanza aganira na maman Bella,

ubwo Bella yavuye muri douche aza muri salon ariko ntabwo yaraziko bafite umushyitsi akigera muri salon arikanga ahita abaza maman we ngo ma kuki utigeze umbwira ko dufite umushyitsi ubu nari kuba nje meze gutya,

maman yahise aseka ahita amubwira ngo bikubere isomo nyine ubundi se uba ujyahe utambaye,genda witunganye uze umuganirize dore yaje kare, Bella yaragiye aritunga arangije agaruka muri salon,maman we abaha akanya ngo baganire.

Bella yaricaye atangira kuganiriza Manzi ariko ukabona mu maso yabo nta numwe ufite ibyishimo nkuko byari bisanzwe Manzi akirwaye.

Manzi:ariko Bella ubundi cyagihe byakugendekeye gute
Bella : Manzi nukuri nukumbabarira kuko nanjye sinzi ibyambayeho nshiduka meze kuriya

Manzi: kuva cya gihe sinigeze nongera gusinzira kuko nibazaga niba ari njye watumye umera kuriya

Bella : Manzi humura siwowe rwose

Manzi : ariko kanongere nkubaze kandi unsubize wigeze ubabazwa mu rukundo?
Bella : oya ariko... Oya nako reka tubyihorere

Manzi : nta mpamvu yo kubireka ubundi se hari umuntu waba mubyumva kimwe

Bella : hari umuntu nakunze ariko mu byukuri natinye kubimubwira kubera ko nasanze afite umugore

Manzi :oya ugomba kubimubwira kuko ushobora gusanga nawe akwiyumvamo

Bella : ndamukunda by’ukuri ariko sinifuza kumutandukanya n’umugore we kuko sindi Imana ngo mbatandukanye kandi ...atararangiza kuvuga

Manzi yahise amusatira ahita amusoma biratinda ubonako bose batwawe,

hashize akanya Bella yahise yegezayo Manzi n’amarira menshi ahita amubwira ngo Manzi, Manzi simbishaka kuko sinshaka kugutandukanya n’uwo wakunze,

Manzi yahise amubwira ngo Bella nanjye sinjye gusa icyo ugomba kumenya nuko ... Atarangiza musaza wa Bella yahise yinjira atungurwa no gusanga amarira hagati ya Manzi na Bella ari menshi ahita abasuhuza barikanga Manzi akibona musaza wa Bella ahita ahaguruka arasohoka yinjira mu modoka ye aragenda,

Bella nawe ahita ajya mu cyumba cye arikingirana arakomeza ararira,musaza we yari yasigaye aho yumiwe. Ubwo bumaze kwira hari umuntu wahamagaye Angel kuri télephone amubwira ko agomba kuza kureba umuvandimwe we ko yatoraguwe mu muhanda kandi ko agomba kuza ari wenyine, bamurangira aho ari bujye ,uwo muntu ahita amukupa......................

Ese koko Ella yaba ahuye n’ikibazo cyangwa ni umutego agiye gukorera Angel ?

Manzi na Bella se bo amaherezo yabo ni ayahe ?

Ntuzacikwe n’ibice bikurikira by’iyi nkuru ?

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.