Episode 2: Danny atangiye guhura n’ibigeragezo ‘Imbaraga z’urukundo ’

Aho twagarukiye ubushize naho Danny yari ari kuvuga ngo nibwo natangiye.....dusigara twibaza tuti:”Ese Ni iki Danny yaragiye kuvuga yatangiye? ese bijyanye niki??? Ese basi ni byiza????reka twikomereze n’inkuru yacu..........

Danny ati; ibigeragezo by’ubuzima Byatangiye ubwo nageraga mu mwaka
wa kabiri w’amashuri y’isumbuye (secondaire) hari mu gihembwe cya mbere ubwo
papa yitabye Imana.

Mbega ngo ubuzima buratubana umuravumba nkafata icyemezo cyo kuva mu ishuri bitari uko ndi umuswa ahubwo ari ukubura ubushobozi.

Burya koko nyokorome akuruma akurora marume uwo mbabwira ntacyo yari abuze kuburyo yabura amafaranga natangaga ku ishuli gusa yambwiye ko afite
ibibazo byinshi ko atabona ayo kundihira amashuri.

Nararize ubundi ndihanagura..gusa nabonaga uko mama aruha kugirango tubone Ibidutunga nkabona ko ntawakurutira umubyeyi.

Iminsi yarashize indi irataha mfata icyemezo cyo gushaka akazi gusa ndakabura nyuma naje kubona akazi ko gukora mu rugo rw’umukire ariho kwa Noella ngateka ,ngakoropa, nkoza ibyombo (amasahani), nkamesa n’indi mirimo yo mu rugo ndetse nararaga n’izamu.

Icyo gihe nakoreraga ibihumbi cumi na birindwi (17,000) Ku kwezi urumva ko
kwari ugushaka ubuhungiro, gusa byampeshaga amahoro kuko mu rugo babonaga
kawunga, utujumba , utwumbati ,bakarenzaho n’agashogoro ubundi bakabona bwije bugacya.

Ubundi ababyeyi ba Noella bari abacuruzi bakomeye ubona ko ntacyo babuze.
Bigiye gusobanuka Hari kuwa gatandatu ubwo narindi kumesa ,mfatanya no guteka mbona Noella araje yicara iruhande rwanjye numvaga mfite ubwoba butabaho kuko Bwari ubwa mbere bibaye turaganira mubwira ubuzima bwanjye bwose.

Gusa nkimara kumubwira mbona agize agahinda Ku maso ngira ngo Mubwiye nabi, byabindi abantu nkanjye bo mucyaro twumvako abana b’abakire bamenyereye kwiriza.

Icyo gihe nahise ntangira gusaba imbabazi ,ndapfukama ageraho gusa nawe
yanga kumbwira ko ari ubuzima bwanje bumubabaje,mbona ahise anagenda
ariko akajya asubiza amaso inyuma tukarebana, ku mutima nkavuga nti:" Mana koko umfashe unkize ishyano ryanone nkoze ntibanyirukane."

Kuva icyo gihe twatangiye kujya tuganira akambwira ibyo yabonye ku ishuri
nanjye nkamutera udu story dore ko gusetsa ndi mu ba mbere, nabonaga uko andeba, uburyo amfasha imirimo simbone ko urubuto rw’urukundo rwatangiye gushibuka disi.

Impamvu ntayindi ni uko nabonaga bitashoboka, ko ari nko kwikirigita ugaseka, nakomeje kubaho menyerana na Noella gusa baca umugani ngo aho umutindi
yanitse ntiriva kandi NGO uwagumiwe n’amenyo anigwa n’amazi, ngo byagenze ute rero.

Ubundi hari mu gitondo ubwo..............Episode ya 3 loading,
Ese Danny ko yaratangiye kuvugango hari mu gitondo ubwo..ubwo byagendagute sasa???? Ese muri icyo gitondo hari habaye iki????Imana ifashe Danny bibe ibyuya ntibibe amaraso... Tuzabimenya mugice gikurikira .

Ntuzacikwe n’igice cya gatatu cy’iyi nkuru ejo mu gitondo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO