Episode 3: Karabaye Danny agiye mu buroko ’Imbaraga z’urukundo’

Aho twagarukiye ubushize naho Danny yari atangiye kuvuga ngo hari mu gitondo ubwo.......ahita arekera .
Reka twikomereze n’igice cya gatatu cy’inkuru yacu yitwa Imbaraga z’urukundo.

Danny ati :Hari mu gitondo ubwo nabyukaga Nk’ibisanzwe nkagenzura ko ntacyangiritse mubyo nari nshinzwekurinda, ngeze muri depot y’ikawa nsanga harera de!!!! numva umusatsi umvuyeho, isereri imbanye yose numva isi indangiriyeho.
Namwe murabyumva ntakindi cyakurikiyeho uretse gufungwa mbega uburoko, mbazwa ibyibwe kuko ntigeze ntabaza naburaga ibyisobanuro,nabaye muri gereza ndayimenyera, menyera agakombe k’imvungure zibereye aho.
Wumve ko no koga byari ikibazo kuko nogaga rimwe mu cyumweru, ariko imperi zo zari zingeze ahamanuka , ikiboko cyo sinababwira kuko njye nta mafaranga ya buje nigeze ntanga mbega ngo ndababazwaaaaa.
kuba n’iwacu hari kure ntawigeze amenya iby’ifungwa ryanjye, Burya ngo ntawangwa na bose ndabyibuka hari kuwa gatanu ndyamye Ku karito nayo naryamagaho Ariyo gushyiraho umutwe gusa ngiye kubona mbona umucunga gereza aje kumbwira ngo nsohoke.

Icyo gihe ku mutima nti:<<noneho
ibyanjye birarangiye>> gusa siko
byagenze ahubwo nasanze ari
wa muziranenge Noella uje kundeba.

Mbega ngo ndishima, twarahoberanye
biratinda turangije turicara mbona
ampaye agakarito yarI afite gusa mbona
ko afite akababaro kenshi cyane.

Twaraganiriye mubwira ko ndengana
ntakintu mbiziho nawe aranyihanganisha
ambwira ko Imana izandenganura,
gusa njye nabonaga ibyanjye
byararangiye.
Nyuma yaratashye, nanjye
nsubira mu buroko, nageze mo ntangira
kumwibazaho aha niho uregendo
rw’urukundo rwatangiriye kuri njye
nubwo nabonaga urukundo rwanjye na
Noella rutashoboka,burya Imana irebera
abantu bayo ntihumbya.

Nyuma naje kurekurwa mfata icyemezo
cyo gusubira ku isambu, Icyo gihe
nageze yo mama na barumuna banjye
barishima cyane, nanjye biranezeza
kuba nongeye guhura n’umuryango,nibe
ra aho murugo menyera gutera ibiraka.

Kera kabaye nari ndi gushaka utwatsi
Tw’agahene narinaguze nkikora kwa
Noella ngiye kumva numva murumuna
wanjye muto arampamagaye ngo hari
umuntu uri kunshaka ndazamuka mva
mu gishanga ngeze Mu rugo natunguwe
cyane no gusanga ari Noella.

Nabaye nk’ufashwe n’amashanyarazi
nibaza uko yahamenye gusa nibuka ko nigeze
kumuha indangamuntu yanjye ngo
ayimfotoreze mugihe nkibyibazaho
yaraje arampobera atitaye ku byondo
mvanye mu gishanga mbega ibyishimo
we!!! twaraganiriye ambwira amakuru
yo mu rugo nanjye Mubwira ayo mu
cyaro ndamuganiriza biratinda,sinzi uko
umutima wakubise nibuka ko nta ni
kijumba nakimwe namwakirije kuko
twagombaga kurya aruko mama avuye
gupagasa mbega ngo ndababara nawe
arabibona ambaza ikimbabaje
ndamujijisha.

Burya ngo umusore utiraririye
ntarongora inkumi nahise
mfata radiyo nari mfite nyijyana kuga
centre twari duturanye ndayigwatiriza
bampa fanta ebyiri n’amandazi abiri,
ndamuzimanira arishima we! kuburyo
yibagiwe no gutaha, Saa kumi (4:00) zikagera,
Icyo gihe yambajije impamvu atabonye mama
mubwira ko aba yagiye guhinga
ansezeranya kuzagaruka agiye kugenda
mbona akoze mugakapu akuramo
telephone ya techno arayimpa mbega
Ngo ndishima nkibuka namuteruye
gusa mwibuke ko nubwo ibyo byose
byabaga ntawari wabwira undi ko
amakunda gusa byagaragaraga Ku maso
yacu.

Nyuma aringije akuramo ibahasha
arayimpa afata moto aragenda, mbega
amatsiko nagize y’ibyanditsemo nahise
ngenda nicara munsi y’igiti cya avoka
mfungura ibahasha n’amatsiko menshi
dore ibyari byanditse kuri urwo
rupapuro.............. . Ep4 loading

NTUZACIKWE N’IGICE GIKURIKIRA CY’IYI NKURU

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO