Episode 4: Ngeze i Kigali nagize amahirwe adasanzwe nakirwa nuwo ntakekaga

Twarongeye turaryama mu gitondo Leon niwe wankanguye turabyuka turitegura, tumaze kufata ifunguro rya mugitondo mushiki wa Leon na Mama we baraduherekeza mfata iy’i Kigali, Leon nawe yerekeza iya Gisenyi

Mu modoka ngenda, nagiye nibaza uko nzabaho I Kigali, nta muntu numwe nari nzi yo kandi nta n’amafaranga ahagije nari mpfite yo kugura ibyangombwa by’ ibanze no kwishyura inzu.

Nongeye kandi kwibuka umuryango wanjye utari uzi aho ndi gusa nanone intekerezo zanjye zireba kure….igihe nzaba mbahingutseho narabaye undi bizaba ari ibitangaza bitangaje kuri bo!

Mu gihe nari ngitekereza ibyo negetse umusaya mpumbya amaso nibwo nabonye Belinda w’ amateka yanteye kuzinukwa ko urukundo nyarwo rubaho n’ umusore ntazi mu cyumba,

Bari bari kubyina indirimbo ituje cyane, Belinda yari yambaye imyenda y’ ishuri, uwo musore we yari yambaye isengeri…hashize akanya uwo musore azimya umuziki,

Belinda-“Cheri! Nishimiye ibi bihe byiza wanteguriye unshimira ko ndangije iriya nkenya y’ikizamini, ntabwo ngishidikanya ko unkunda, uko wanyitayeho muri interna byangize umukobwa utikoraho, mpavuye ari njye ikigo cyose kemera”

Uwo musore yahise amusoma mu kiganza maze aramubwira,
We-“Ndagukunda Bae! Ngira ngo ntacyo wigeze umburana mu gihe cyose wari umfite, naguhaye ibyo wansabye byose, igihe niki rero ngo nawe umpe igihembo kinkwiriye”
Belinda-“Ayiwee! Ahwiiiii! Cheri! Ushaka ko…”
Uwo musore yahise amwegera cyane asa n’ umwongorera,
We-“Urabizi ko hari icyo wanyemereye umunsi uzaba warangije secondaire, ndashaka ko dukora urukundo…..

Yabivugaga ari nako amukorakora buhoro, nyuma y’ akanya gato Belinda nawe atangira kumwigana amukoraho buhoro buhoro, n’akajwi gato aravuga,

Belinda-“Cheri! Ni ukuri ntacyo nagushinja, ntacyo utampaye pe! Niyo mpamvu nanjye niyemeje kuguha byose wifuza uyu munsi”
Belinda yongeye guhobera wa musore, barebana akana ko mu jisho, hashize akanya gato batangira gusomana buhoro, wa musore afungura ishati y’ ishuri Belinda yari yambaye, ayijugunya hasi, aramuterura buhoro buhoro no ku gitanda ngo baa!

Nashigukiye hejuru ndeba hirya no hino, imbere n’ inyuma mbona mu modoka abantu bose bandeba baseka cyane, umugore umwe wari wicaye iruhande rwanjye ahita ambwira,

We-“Eeeeh! Wagikase pe! Banza waraye ijoro akaba ariyo mpamvu ukangutse ushigutse ukajugunya ibintu byose? Humura dore tugezeyo nari nzi ko ndaza kugukangura”

Batangiye kumpereza ibyo nari nshigutse nkajugunya, birumvikana igisebo nticyari kubura, tuba tugeze muri gare imodoka irahagarara tuvamo.

Nageze hanze nkomeza gutekereza ku nzozi nari maze kurotera mu modoka, nzihuza n’umunsi wa nyuma tuva ku ishuri, sinabitindaho nikomereza urugendo nk’ umuntu mukuru kandi wize ntangira kuyoboza kugeza ngeze ku kicaro gikuru cya Company…nakiriwe na wa mukobwa wambonye mbyigana nshaka akazi akanyandika.

We-“Ooooh! Wooow! Dore wa musore disi! Hhhh! Turongeye turabonanye!”
Njyewe-“Yego! Turongeye turabonanye!”
Yahise ahaguruka arampobera numva ndishimye, burya nta kiza nko kugera ahantu ukakirwa ukisanga,
We-“Uri mu baje gukorera ino se cyangwa uhaje gutya gusa?”
Njyewe-“Eeeeh! Nje gukora! Burya bahisemo ko nza gukorera ino”
We-“Byiza cyane kandi urisanga!”
Njyewe-“Urakoze cyane!”
We-“Hanyuma rero urakomeza kwa Manager aguhe amabwiriza, akazi ko muzatangira kuwa mbere”
Njyewe-“Eeeh! Ni hehe se ko mbona hari imiryango myinshi, niba n’ inzira zose zigera I Roma, imiryango yo ntigerayo ndakurahiye ntiwakwinjira aho ubonye ngo uzagereyo”
Wa mukobwa wasekaga neza, yanyeretse ko aberwa n’ inseko maze arambwira,
We-“Ngwino nkwereke ibiro bye, nta kibazo kuba tuziranye nta mpamvu yo kutagufasha, ahubwo we, buriya byaje gute ngo ngutoranye muri bariya bantu bose?”
Njyewe-“Icecekere, burya nyuma naragushatse ngo ngushimire ndakubura none dore Imana irabikoze nongeye kukubona, nzagushimira twitonze!”
We-“Yego nta kibazo tuzaganira twitonze rwose…ahubwo se uwaba agufashije ibikapu?”

Yaranyakiriye ambikira ibyo nari mpfite, aragaruka ajya imbere nanjye ndamukurikira, tugeze ku muryango umwe,

We-“Ni hano! Sawa ubwo turasubira!”
Yagiye atyo nanjye ngorora ikora ndakomanga, ndakingura, nasanzemo umugabo ubyibushye ndamusuhuza,
Manager-“Bite bite?”
Njyewe-“Ni byiza cyane! Nitwa Songa, ndi umwe mu bakozi bashya, bampisemo ko ngomba kuza gukorera ino”
Manager-“Eeeh! Ok! Ni byiza cyane, muri make rero company yacu ikora ibijyanye no kuvunja amafaranga,…..,
Yampereje igitabo….

Manager-“Muri iyi document uzasangamo imirimo ushinzwe, ikindi….Songa…
Yakomeje gushakisha kuri list hashize akanya ahita ambwira,
Manager-“Ndabona uzakorera kuri guichet ya Nyamirambo…aho ho hari umuntu uzajya kuhakwereka! Genda rero witegure neza gahunda ni kuwa mbere”

Njyewe-“Thank you Sir”
Manager-“Welcome! Ibindi abakozi bamenyereye bazajya bakuyobora”
Njyewe-“Murakoze nanone!”

Naramusezeye ndasohoka, ngeze hanze wa mukobwa wari wanyakiye ari nawe navuga ko yampaye akazi anyakira amatsiko, dutambika dusohoka hanze, atangira kubazanya amatsiko,
We-“Baguhaye gukorera he se?”
Njyewe-“Bampaye gukorera i Nyamirambo”
We-“Wooow! Mbega byiza, uje gukorera hafi yo mu rugo!”
Njyewe-“Koko se?”
We-“Yeah! Reka tujyane ahubwo abakozi bashya ni njye mbereka aho bazakorera!”
Njyewe-“Mbega byiza! Ibintu birikoze! Rwose ni amahirwe menshi kuri njyewe gukomeza guhura nawe!”
We-“Reka nze mfate isakoshi nkuzanire na bya bintu byawe tugende”

Yaragiye nsigara ntegereje, hashize akanya aragaruka ndamwakira njyana n’ umukobwa wanyitayeho kuva yambona mu bandi basabaga akazi twerekeza i Nyamirambo,

Mu modoka twagendaga tuganira ari nako agenda anyereka ahantu hose, hashize akanya dutuje ahita ambwira,

We-“Ariko ni ubwa mbere ugeze I kigali?”
Njyewe-“Oya! Oya ntabwo ari ubwa mbere, uyu muhanda nshobora kuba narawunyuzemo mama antwite, ubusanzwe nagarukiraga nyabugogo ngahita mpfata indi modoka”
We-“Hhhhhhh! Mbabarira winsetsa, harya witwa Songa?”
Njyewe-“Yego! Urazirikana! Ubu se wari ukibyibuka?”
We-“Sha biterwa, naho ubundi ukuntu ugenda witegereza ahantu hose koko biragaragara ko waje ino bagutwite, njyewe sinahavukiye ariko ndahamenyereye cyane, niho nabaye kenshi, nahageze ndi muto ndahiga none ubu ndahakora….mbega rero ushatse wanyitabaza”
Njyewe-“Nibyo ahubwo Imana ishimwe, ikibabaje nuko ugiye kunyitaho ntazi uko witwa”
We-“Nitwa Teta, ndangije kwiga amashuri yisumbuye uyu mwaka, nagize amahirwe yo kubona aka kazi nkajya ngakora mu biruhuko, Mbana na bakuru banjye, dutuye i Nyamirambo tugiye nkuko nabikubwiye, nawe wanyibwira birambuye niba ntacyo byagutwara?”
Nabaye nkugira isoni zo kwibwira Teta, mbura aho mpera hashize akanya ndikoroza maze ndamubwira,

Njyewe-“Nanjye nitwa Songa nkuko nabikubwiye, nanjye ndangije kwiga ayisumbuye uyu mwaka nkawe, mu rugo ni I Nyaruteja”
Teta-“Eeeh! Ndumva twese dutegereje gukomeza kaminuza, none se ubu ufite aho uzaba ino?”
Njyewe-“Wapi kabisa, ubu sinzi naho ndi burare”
Teta-“Uuuh? Ko bitoroshye?”
Twakomeje kugenda tugera aho nagombaga gukorera, Teta amaze kuhanyereka maze arambwira,
Teta-“None se ubu hakurikiyeho iki?”
Njyewe-“Nta kundi nyine… ubu ngiye gushaka aho nshumbika iminsi mike ningira amahirwe nkahabona”
Teta yaratuje akomeza kwibaza ndabibona, hashize akanya gato,
Teta-“Ubu se ko i Kigali buri wese amenya ibye, kwizera umuntu utazi ntibibe byoroshye, ubwo urabona umuntu ugucumbikira?”
Njyewe-“None se ubu mbigenze nte?”
Tukiri aho telephone ya Teta yarasonnye ayitaba vuba ajya ku ruhande hashize umwanya aragaruka,
Teta-“Songa! Ugize amahirwe, hari umusore tuziranye , ni best friend mbega tubanye neza, arampamagaye mpita mubwira ko ndi kumwe n’ umusore…mubwiza ukuri nyine anyumva,
Uwo musore aribana aranishoboye, atuye hano hafi, musabye kugufasha aremera uri umunyamahirwe”
Muri ako kanya nariruhukije,
Njyewe-“Urakoze…urakoze cyane rwose!....
Teta-“Oya nta kibazo! Nta kibazo rwose!”
Hashize akanya gato wa musore ahinguka aho, ahobera Teta ampereza ikiganza,

Teta-“Eeeeh! Ndabona umeze neza! Warabyimbye noneho sinzi ibyo uri kurya muri iyi minsi”
We-“Hhhhh! Birimo biraza, ubu nibwo ngitangira!”
Teta-“Songa! Uyu ni wa musore nakubwiraga, yitwa Bily, Bily! Uyu musore niwe nifuzaga ko usayidira iminsi micye mu gihe atarabona aho aba”

Bily-“Nta shida kabisa, naze ahubwo tugende nsize ntakinze kandi urabona ko nambaye n’ ikabutura hatagira umutoto unshaho kuri moto akazanteza abantu”

Teta yaradusezeye njyana na wa musore bidatinze twinjira mu gipangu kirimo imiryango myinshi, twinjira muri imwe, amaze kumpa kalibu,
Bily-“Ni hano rero nibera, usanze ibintu bijagaraye ejo hari umushyitsi wansuye, turwanira telephone ashaka kureba uwari umpamagaye duterera ibintu hejuru, nazindutse nigendera sinabisubiza ku murongo”

Njyewe-“Eeeh! Uwo mushyitsi ubwo ameze ate mwarwaniye telephone?”
Bily-“Hhhh! Ni umukobwa wo kurimiza nifitiye, ariko ubundi buriya Belinda nta bwenge agira kweli?”
Njyewe-“Belinda??........................................................

Ntuzacikwe na Episode ya 5 yiyi nkuru “Nanjye si njye” ku munsi w’ejo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO