Episode 97: Gentil yakijije urubanza, Shebuja abuzwa amahoro no kubona Mama Belinda

Amanda yarahagurutse nyuma yo kwiyumvira nanjye ndahaguruka ndamuherekeza, amaze gutega imodoka nsubira mu rugo, mu nzira ngaruka hari imodoka ebyiri zanshiyeho, imwe muri zo ndayimenya, yari iya Boss.

Zinjiye mu gipango aho twabaga ku mutima nti buriya azanye abakiriya barahamara iminsi ntera intamwe ndende, mu kwinjiramo natunguwe no kubona abantu nka batanu, mu kureba neza mbonamo na Joannah nibaza ikibagenza.

Nakomeje kugenda mbasanga ndabasuhuza mpereye kuri Boss wanyinjije mu mushinga wo kumugemurira inyama, ngeze kuri Joannah umukobwa we aramwenyura ndetse arampobera.

Nakomeje kubitegereza ndetse nkomeza kwibaza ikibazanye aho, ndahindukira ndeba umubyeyi wasaga na Joannah naketse ko ari Mama we…nyuma y’ akanya gato numva umwe mu bagabo bari bazenye aravuze,

We-“Musore, twakubaza gato ibibazo bike bitagoye?”

Njyewe-“Uravuga njyewe se?”

We-“Yego! Ni wowe mvuga”

Njyewe-“Mushaka kumbaza iki se?”

We-“Twashakaga kukubaza niba nawe uba hano cyangwa uri umukozi waho?”

Njyewe-“Yego niho mba, ntabwo ndi umukozi ahubwo nkodesha muri imwe nzu ziri inyuma hariya”

We-“Hanyuma se nyir’ aya mazu uramuzi?...nadavuga uwo wishyura ku kwezi?”
Ako kanya nahuje amaso na Boss mbona andeba nkushaka kumbwira icyo nsubiza, muri ako kanya mpita menya ikibazanye,

Njyewe-“Urumva se naba ntamuzi? Boss wawe wamuyoberwa koko? Ndamuzi cyane”

We-“Hari uwo ureba muri aba se?"

Njyewe-“Reka reka! Boss yitwa Gentil, ahubwo se mwamuhamagaye ubundi, ubu namenya mumushakira amahoro?”

We-“Wigira ikibazo ni amahoro tumushakira, twe turi abanyamategeko, hari urubanza turi gukurikirana rwa gatanya yuyu musaza ureba n’ umugore we, bityo rero mu bijyanye n’ imutungo twari twarabwiwe ko iyi nzu nayo ari iye kandi abantu basezeranye ivanga mutungu risesuye amategeko agira ibyo akurikiza”

Njyewe-“Yampaye inka! Ko ibyo ntabizi se?”

We-“Niyo mpamvu twari tuje kuhagera ngo tumenye koko niba ayo makuru ari yo cyangwa ari ibihuha”

Njyewe-“Yewe! Icyo nzi cyo ayo makuru ni ibihuha!”

Tukiri aho, muri ako kanya urugi rwarakingutse duhindukirira icyarimwe, hinjira imodoka mu kureba neza yari Gentil wari iyitwaye. Mu kwitegereza uwo yari atwaye…yari Mama Belinda wari usanzwe aza kudusura rimwe na rimwe.

Nyuma y’umutuzo udasanzwe Gentil yavuye mu modoka ndetse na Mama Belinda arasohoka, mu kwitegereza Boss nabonye yikanze cyane ndetse mbona asa nutitira, nsubije amaso hirya mbona Mama Belinda akomeza guhanga amaso aho twari turi,
Boss yatangiye gushaka aho yiyegemiza ndetse agiye kugwa Joannah aramufata, aramusindagiza amujyana kwicara mu modoka, twe twari aho twaketse ko wenda ari ukubera intege nke z’ ubusaza.

Gentil yaje adusanga aradusuhuza,

Gentil-“Songa! Mwari mwambuze se? Aba ndabibona basa n’ abakiriya, bashaka hasi cyangwa barifuza hejuru ko ariho heza? Bazahamara iminsi ingahe”

Njyewe-“Eeeh! Uziye igihe! Aba ntabwo ari abakiriya ahubwo ni abanyamategeko, ngo bari mu iperereza ngo ry’ ino nzu, sinzi ngo bafite amakuru ko yaba ari iy’ umusaza wicaye hariya mu modoka”

Gentil-“Si ngaho! Ubwo se ayo makuru yavuye hehe? Abantu barifata bakigabiza iby’ abandi mu magambo kugeza ubwo abantu babagabo muhagurutse?”

Umwe muri ba banyamategeko yahise avuga,

We-“Koko se twarabeshywe cyangwa wenda amakuru dufite ni igice? Hano uhaguze vuba cyangwa hashize igihe kirekire?”

Gentil-“Nta byinshi mvugana namwe, sindi mu rubanza rwanyu…..”

Gentil yahise agenda yihuta dusigara dutegereje, hashize akanya agaruka afite impapuro,

Gentil-“Ndacyeka muzi gusoma, ibi ni ibyangombwa byiyi nzu, ahasigaye ubwo ndashaka kumenya nuwifashe akavuga ko ari iye, nta wamenya wasanga hari abari kungera amajanja”

Bamaze gusoma, Joannah na Mama we bagiye ku ruhande, nyuma y’ akanya baragaruka,

Mama Joannah-“Mutwihanganire kwibeshya, ibyangombwa biragaragaza ukuri, murakoze ku mwanya wanyu reka tube tugiye ubwo tumenye ukuri”

Bagiye batyo, umusore wacungaga umutekano amaze gukinga umuryango Gentil aramwenyura,

Gentil-“Hhhhhh! Ni babe bikomereje erega hano n’ iwanjye Databuja yangabiye!’
Njyewe-“Ariko rero aho bigeze ntangiye kugira impungenge Gentil! Ntangiye kwibaza umunsi ukuri kwagaragaye cyangwa umunsi hagize inkubiri iza bikaba ngombwa ko iby’ abandi utabisubiza nkuko wabihawe”

Gentil-“Hhhh! Ibyo ntukabitekereze Songa! Ikizima nuko nta gihombo nteze kuko ntigeze mvunika nubaka iyi nzu, ahubwo nzanjye na Mabuja…arakicaye mu modoka cyangwa…”

Gentil yatambitse hirya aho yari yasize imodoka, hashize akanya aza ari kumwe na Mama Belinda ndamusuhuza dukomezanya mu rugo.

Nyuma yo kumwakira Gentil yagiye kwitaba telephone hanze,

Mama Belinda-“Songa! Bariya bantu bari baje hano bari baje gushaka iki?”
Njyewe-“Reka n’ abari mu manza ngo bari baje gushakisha amakuru hano ariko bagiye bayabonye”

Mama Belinda-“None se usanzwe ubazi cyangwa ni ubwa mbere ubabonye?”

Njyewe-“Uriya musaza wabonye barandata bajyana kwicaza mu modoka we twarakoranaga, niwe twakoranaga muri wa mushinga wanjye w’ inyama”

Mama Belinda-“Yitwa nde se? Iwe urahazi?”

Njyewe-“Ko umumbaza cyane se ahubwo wowe hari aho waba umuzi?”

Akimbaza ibyo Gentil yahise yinjira,

Gentil-“Songa! Umva gato nkubwire…”

Nasohotse mukurikiye tugeze hanze atangira kubwira,

Gentil-“Njyewe ntabwo numva impamvu ashobora kumbwira ngo agenda hano kuva ryari, ngo atangiye kunkeka amababa?”

Njyewe-“Uuuh? Ntabwo ndi gusobanukirwa ibyo uvuga Gentil! Mbwira ngo bimeze bite? Ninde mwavuganaga?”

Gentil-“Umva! Databuja arampamagaye, arambaza ngo umugore yabonye twazanye mu modoka nuwa hehe, mubwira ko ari mabuja, ambaza ikimugenza mubwira ko aje kudusura bisanzwe umusaza numva abuze amahoro atangira kumbaza ngo gute agenda hano numva biranshanze”

Njyewe-“Ampaye inka! Gentil! Nanjye ko Mama Belinda amumbajije”

Gentil-“Akubaza Databuja se?”

Njyewe-“Yego, usanze buriya ambaza cyane icyagenzaga bariya hano gusa ntacyo nari kumutangariza nawe urabyumva”

Gentil-“None se tuvuge ko baba baziranye bisanzwe kuburyo umwe abona undi akabura amahoro akarwana no kubaza ikigenza undi? Cyangwa ni bya bindi byanjye nagize urwikekwa nkanga kwitwa Genti nkiyita Joseph?”

Njyewe-“Umbaze nkubaze”

Gentil-“Songa! Ibi reka tubitege amaso, bidatinze nzamenya impamvu, Mabuja amaze kunyizera bishoboka, nzamubwira byose nawe azambwira aho amuzi”

Njyewe-“Ariko rero utazanamubwira iby’ inzu utazamubwira ngo ntazagire uwo abibwira nawe uwo azabibwira akazamubuza kubibwira undi”

Gentil-“Ntabwo ndi umwana erega, ahubwo reka dusubire mu nzu atibaza impamvu twiheje”

Twasubiye mu nzu dukomeza kuganira, amasaha akomeza kwicuma ndetse Gentil acyura nyirabuja.

Nyuma y’ iminsi ubwo nari mvuye ku kazi mu nzira ntaha sinzi uko byanjemo ntekereza kujya ku kazi aho nakoraga, ngo menye amakuru…numvaga nshaka kumenya ibya Manager.

Nkihagera Bosco yamboneye mu ntera aratangara cyane,

Bosco-“Eeeeh! Songa! Urakaza neza? Ni wowe cyangwa ndarota? Imana igira neza koko!”

Njyewe-“Hhhh! Ni njyewe ntabwo urota!”

Bosco-“Hhhhh! yewe yewe! Ni Kalibu rwose”

Maze kumusuhuza,

Njyewe-“Andi makuru se?”

Bosco-“Amakuru ni meza rwose, ubu mu bantu bose wasize hano ni njyewe nsigaye, abandi bose baragiye”

Njyewe-“Uuuh? Na Manager se?”

Bosco-“Eheee! Niwe wagiye mbere ahubwo!”

Njyewe-“Reka se? Koko se?”

Bosco-“Ahaa! None se ubwo nakubeshya koko? Manager yagiye mu mahanga ntakibarizwa ino”

Njyewe-“Koko se?”

Bosco-“Ahaa! Ese wamenye ko wamukobwa witwaga Teta yiyahuye?”

Njyewe-“Ibyo byo ndabizi”

Bosco-“Bavuze ko rero ashobora kuba ari we wamuteye kwiyahura, ahita agenda ngo atazabibazwa”

Njyewe-“Ese?”

Bosco yakomeje kumbwira byinshi dore ko ku makuru yayatangaga atitangira, gusa kuri njye icyo nashakaga kumenya nari nakimenye, cyari ukumenya ibya Manager nyuma yo kwiyahura kwa Teta.

Iminsi yakomeje kwicuma ariko uko bucya nuko bwira nakomezaga kwikanga ubusa, ngahindukira nkabura umuntu, hakaba ubwo nshigutse numva ijwi rya Teta rimbwira ngo “Nanjye si njye”.

Hari umunsi umwe telephone yanjye yasonnye mu kureba nimero impamagaye, nasanze ntayo nzi, nitaba vuba,

Njyewe-“Helloo!”

Numvishe ijwi ry’ umukobwa,

We-“Hello! Songa! Amakuru yawe?”

Njyewe-“Ni meza”

We-“Wamenye se?”

Njyewe-“Reka reka ntabwo nakumenye, ninde?”

We-“Ni Gihozo! Mukuru wa Teta”

Njyewe-“Gihozo?”

Gihozo-“Yego! Waranyibagiwe Songa?”

Njyewe-“Oya ntabwo nakwibagiwe, ahubwo se nyuma y’ ibihe uranyibutse?”

Gihozo-“Songa! Mbabarira aho uri hose umbwire nze nkurebe ndakwinginze irengagize ibindi”

Njyewe-“Uuuuh? Aho ndi hose nkubwire uze undebe?”

Gihozo-“Mbwira Songa! Mbwira aho uri ndagusabye ha agaciro Teta wakundaga tubonane none aha”

Njyewe-“Ibi n’ ibiki ra?”

Muri ako kanya umutima wateye insigane, ntangira gucurikiranya amagambo, kubera kongera kumva umuntu unyibutsa ko nakundaga Teta, Teta…uwari waranze kumvamo ngahurwa byose nkumva ko ari rwo rukundo rwanjye, uwo kwibagirwa byanze…………………………………

Genesisbizz

Related Articles

Ibitekerezo

  • - Dou2

    Gentil rwose akaba abonye Se(Papa Joannah) na Mama we(Maman Belinda). Ubu se kandi Gihozo we arashaka iki kuri Songa koko? Uyu muryango wa Teta na wo wagakwiye guha Songa amahoro.

  • - MUPENZI

    Knd wasanga teta atarapfuye kuko ndikubyiyumvamo kbs

Igitekerezo cyawe kirashyirwaho aruko gisusumwe

TANGA IGITEKEREZO