Eric Cantona yibwiraga ko azaba umuyobozi wa Manchester United birangira imuteye uw’inyuma

Umugabo w’ imyaka 56 y’ amavuko ukomoka mu gihugu cy’Ubufarasa wakiniye ikipe ya Manchester United Éric Daniel pierre Cantona yangiwe ko yayibera umuyobozi.

Bwana Éric Daniel Pierre Cantona yakiniye ikipe ya Manchester United mu myaka ya 1990 ndetse yambaraga nimero y’amateka muri manhester United aho yambaraga nimero 7 kuri ubu yambarwa na Cristiano Ronaldo.

Uyu mugabo watsindiye ibitego byinshi Manchester United ndetse bakanatwarana ibikombe bitandukanye yifuzaga guhabwa iyi kipe itari mu bihe byiza ngo ayibere umuyobozi gusa bamutera utwatsi.

Ubwo yaganiraga n’ikinyamakuru kimwe cyo mu gihugu cy’ Ubufarasa yavuze ko ubuyobozi bwa Manchester United butamubaniye akaba atekereza ko ahari batamushaka.

Ati:" Nabagejejeho igitekerezo cy’ uko nayobora iyi kipe ariko barabyanga ntabwo banshaka."

Cantona nyuma yo gusoza umupira w’ amaguru yaje gukomereza muri cinéma y’ Abafarasa aho kuri ubu ari umukinnyi wa film.

Akunze kuvuga ko agikina umupira w’ amaguru yari yarabaye nk’umucuruzi
w’ibiyobyabwenge aho abakiriya be bakomeye bari abakunzi b’umupira w’amaguru

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO