Eric Senderi yakoze indirimbo yo gushimira Inkotanyi zarokoye Abanyarwanda

Umuhanzi Eric Senderi yasohoye indirimbo nshya yise ‘Mwaritanze’aho aba ashimira ingabo za RPF Inkotanyi zatabaye Abanyarwanda mugihe cya Jenoside yakorewe Abatutsi mu 1994.

Senderi asohoye iyi ndirimbo mugihe Abanyarwanda bari mu cyunamo cyo kwibuka abatutsi bishwe muri Jenoside 1994 ku nshuro ya 27.

Iyi ndirimbo yayise Mwaritanze akaba yarafatanyije n’abana bakiri bato bagize itsinda ryitwa ryitwa ’Kwacu Family."

Eric Senderi ubwo yatugezagaho iyo ndirimbo yatangarije Genesisbizz ko iyo ndirimbo bayikoze mu rwo gushimira Ingabo za FPR inkotanyi zarokoye abatutsi bicwaga urubozo muri Jenoside yakorewe Abatutsi muri 1994.

Yagize ati “ Nyuma y’imyaka 27 Ingabo za FPR inkotanyi zirokoye abicwaga muri Jenoside yakorewe Abatutsi nifuje kuba nakorana n’abana bakiri bato muri kiriya gihe cy’amage ubwo abacu bicwaga tugakora indirimbo ishimira Ingabo za FPR inkotanyi zarokoye Abanyarwanda."

Yakomeje agira ati "Ikindi byari mu rwego rwo kuzirikana Inkotanyi zaguye ku rugamba rwo kubohora u Rwanda ntituzatatira igihango dufitanye n’Inkotanyi zaturokoye.”

Mu gusoza ikiganiro Senderi yasabye urubyiruko kwirinda Ingengabitekerezo ya Jenoside kugira ngo ibyabaye bitazongera Ukundi.

Ati “Urubyiruko ndarusaba kwirinda ingengabitekerezo ya Jenoside aho yava hose bakayirwanya byimazeyo. Igihugu kirabakunda namwe rubyiruko mubigire ihame mugikunde mugikorere kuko ntikirobanura, giha amahirwe uwo ari we wese.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO