Ese Diamond Platnumz yaba agiye kurongora Zuchu nyuma yo kumenyekana ko inkwano y’uyu mukobwa yamaze gutangwa?

Umuhanzikazi Zuchu ukomoka muri Tanzaniya wanakoze indirimbo nyinshi zakunzwe na benshi nka ’SUKARI’ amaze iminsi avugwa mu rukundo na Boss we Diamond Platnumz. Benshi bibajije niba Zuchu yaba agiye kurongorwa na Boss we nyuma y’uko nyina ubyara uyu muhanzikazi yemeje ko yakiriye inkwano.

Hari hamaze iminsi havugwa ko umuhanzikazi Zuchu uzwi cyane mu ruhando rw’umuziki wo mu gihugu cya Tanzaniya ko ashobora kuba ari mu munyenga w’urukundo n’umuyobozi we Diamond Platnumz.

Uyu Muhanzikazi ufite mama we nawe wubatse izina mu muziki yabigaragaje mu mafoto yagaragayemo yasohokanye na we.

ibi byaje gusa nk’ibishimangirwa ubwo Mama w’uyu muhanzikazi ’Khadija’ yatangazaga ko yamaze kwakira inkwano y’umukobwa we Zuchu.

Uyu Mukambwe mu muziki wa Tanzania Khadija Kopa, yaciye amarenga ko umukobwa we Zuchu ashobora kwambikwa agatimba vuba aha.

Khadija wubatse izina kubera umuziki we uzwi nka Taarab, yavuze ko yamaze kwakira inkwano yumukobwa we.

Gusa yanze gutangaza niba uyu muhanzikazi Zuchu azarongorwa na boss we Diamond. yagize ati,"sinzi niba azashakana na Diamond, Icyo nzi ni uko inkwano ye yarangije gutangwa.’’

Amarangamutima ye yayagaragaje nyuma y’iminsi amaze kwemeza ko ari mu munyenga w’urukundo akanasangiza amafoto y’igipupe kinini yahawe n’umukunzi we agira ati,"Kuko abakobwa bakuze bakunda gukina n’ibipupe binini".

Umukunzi wange yavuze ko ntakwiye kugereranya igipupe cye n’udupupe duto twange, avuga ko iki atari igipupe gisanzwe.

Ati" Si kinini gusa hiyongeyeho no kuba ari umweru."

Zuchu yishimira impano yahawe n’umukunzi we.

Ku rubuga rwa Instagram rwa Diamond hariho video ye ari kumva indirimbo ya Mariah carey "All I want for christmas" na "Perfect" ya Ed Sheeran, mu gihe ku rundi ruhande Zuchu yasangije amafoto abantu yambaye ikanzu ndende itukura.

Zuchu abajijwe ko yaba ari mu rukundo na Diamond yaje kubihakana yivuye inyuma avuga ko nta kintu nk’icyo gishobora kuba mu WCB ko ari amagambo adafite gihamya ko afata Diamond nk’umujyanama we.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO