Ese Nyuma yo gucana umubano n’Uburusiya butunganya gaz nyinshi ku isi, Uburayi buzakoresha iyo bukuye he ?

Uburayi bwunze ubumwe nibura bukoresha hafi 40% birenga bya gaz buvoma mu Burusiya, Gusa nyuma y’intambara ya Ukraine n’Uburusiya, Uburayi bwashyizeho ibihano by’ubukungu bikakaye birimo no kutongera gukoresha gaz iturutse mu Burusiya. Ese Uburayi buzabyitwaramo bute ? Ni he buzakura isoko rya kabiri ?

Kugeza ubu Afurika isa n’igiye kuba amahitamo ya kabiri y’Uburayi ku bigendanye n’ingufu za gaz abaturage babwo bakenera batetse, bashyushya mu nzu n’ibindi bitandukanye.

Ese Afurika izaba igisubizo ku Burayi gute ?
Kugeza ubu hamaze gusinywa amasezerano ku by’ubufatanye mu bucuruzi bwa gaz hagati y’ibihugu bitatu: Uburayi bw’unze ubumwe, Isiraheli na Egiputa ndetse aya masezerano yashyiriweho imikono i Cairo.

Aya masezerano avuga ko gaz izajya icukurwa muri Isiraheli ikoherezwa muri Egiputa igatunganyirizwa mu nganda zaho ubundi ikabona kwambuka inyuze mu majyaruguru ikagezwa mu masoko y’Uburayi.

Ese ni izihe nyungu zindi ibi bihugu bizavana muri aya masezerano ?
Nyuma yo gusinya aya masezerano, biteganyijwe ko ibihugu binyamuryango by’Uburayi bwunze ubumwe bizashishikariza abashoramari babyo kwagurira ibikorwa byabo muri Egiputa na Isiraheli bityo ubuhahirane bukiyongera kuri bose.

Nibura Uburayi bwakoreshaga 40% bya gaz iturutse mu Burusiya ndetse biteganyijwe ko buzakomeza kuba igihugu cya mbere gikenera gukoresha gaz nyinshi ku isi kugeza mu mwaka wa 2030.

Nyuma y’uyu mwaka nibwo biteganyijwe ko Uburayi buzatangira kugabanya gaz bukoresha, mu 2050 bukazaba bwarageze ku ntego yo kurekura ibyotsi bihumanya bingana na zeru.

Minisitiri w’ingufu wa Isiraheli Karine Elharrar(wicaye iburyo) hamwe na Minisitiri ushinzwe ibikomoka kuri peteroli muri Egiputa Tarek El Molla hamwe na Kadri Simson ushinzwe amasoko y’ingufu y’Uburayi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO