Ese dukwiye kurya gatatu ku munsi ?

Ubushakashatsi bwinshi bushishikariza abantu kurya gatatu ku munsi, Kandi bakarya indyo yuzuye kugirango bakomeze kugira ubuzima buzira umuze, Ariko se izi nshuro zaba zihagije ?

Ubushakashatsi buheruka kugaragaza ko burya inzara itabaho, Iteka iyo turebye ku isaha tukabona ni saa sita, twumva dusonje kuko umubiri twawumenyereje ko ari amasaha yo kurya.

Mu buzima bwacu bwa buri munsi yaba mu kazi usanga habaho ikiruhuko cyo kurya ndetse si mukazi gusa n’abanyeshuri nabo bahabwa iki kiruhuko, Nyuma iyo dusoje imirimo ya buri munsi, Uwa nyuma ukurikiraho ni ugusangira ifunguro rya nijoro n’umuryango, ndetse bamwe muri twe hari n’abarya amafunguro yo mu gicuku babyutse.

Niba wibaza inshuro ukwiye kurya ku munsi, Uratungurwa nuko rimwe na rimwe bakubwirako kurya ari byiza ariko kubireka bikaba byiza kurushaho.

Ku barya amafunguro atatu ku munsi, ifunguro rya mugitondo bagirwa inama ko rigomba kuba rishyitse kandi rihagije kuko niryo umubiri ukuramo imbaraga zo gukoresha umunsi wose.

Ifunguro rya saa sita ryo rikwiye kuba ryoroshye bityo ntiriremerere igifu kuko bituma gikoresha imbaraga z’umurengera mu igogora bikaviramo bamwe gusinzira mu kazi cyangwa mu ishuri.

Ifunguro rya nyuma naryo rikwiye kuba rigizwe n’indyo yoroshye iherekejwe n’imbuto ndetse bikaba byiza rifashwe mbere y’amasaha abiri ko tujya mu buriri, Gusa igihe bigushobokeye nijoro wareka kurya.

None kubera iki dukwiye kureka kurya rimwe na rimwe kandi ari byiza ?


Bamwe muri twe bajya biyiriza ku mpamvu zitandukanye zirimo n’amasengesho, Ubushakashatsi bwagaragaje ko iki gikorwa ari cyiza cyane ku mubiri.

Nibura iyo tumaze amasaha 12 ntamafunguro twinjije mu mubiri, iki gihe urwungano ngongozi ruraruhuka ndetse rukabasha no gusana ibice byarwo byangiritse.

Si ibi gusa kuko kureka kurya igihe runaka bidufasha kuringaniza igipimo cy’isukari mu maraso, Ndetse kurya bwije cyane bishobora kukongerera ibyago byo kwibasirwa n’indwara z’umutima na diyabete, Niyo mpamvu rimwe na rimwe nubona wakerewe kubona ibyo kurya nijoro, nibyiza kubyihorera.

Impamvu tudakwiye kurya indyo imwe ku munsi


Abantu barya rimwe ku munsi gusa bari mu byago bikomeye kuko ibi byongera igipimo cy’isukari mu maraso.

Iyo uriye rimwe ku munsi, urugero nka mu gitond gusa, Umubiri utekereza ko uri bwicwe n’inzara, ugafata ibinure n’isukari wabitse ukabyohereza mu maraso, ibi bikongerera ibyago byo kurwara igisukari (diyabete) cyo mu bwoko bwa 2.

Kugirango tubashe kuringaniza igipimo cy’isukari mu maraso tgugirwa inama yo kurya muburyo buhoraho kandi ntiturye rimwe gusa, ibi bituma umubiri udatekereza ko ushonje bikawurinda gukora isukari wohereza mu maraso.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.