Irengero ry’Abakimaze Groupe… Umwe yabaye umukanishi muri Tarinyota

Kugeze ubu mu Rwanda gusenyuka kw’abanyamuziki bo mu matsinda ntabwo bikiri inkuru, ahubwo igitangaza ni ukubona abarambanye bigatinda.

Haba umwana kugeza ku musaza muri za 2008 nta muntu utari uzi indirimbo yitwa ‘Ikigabo cy’igisambo’ y’itsinda ryitwaga Abakimaze Groupe. Uretse iyo ndirimbo bakoze n’izindi zakunzwe nka ‘Njyewe narumiwe cyangwa ‘Utazi gukora agenzwa no kugabuza’.

Nyakongeza Faruk wamenyekanye nka Dinho ndetse na Uwayezu Jaques wamenyekanye nka Dr Jack nibo batangije iri tsinda ryakanyujijeho.

Mukiganiro Faruk cyangwa Dihno yigeze kugirana n’ikinyamakuru cya Igihe yagize ati “Urugendo rwo kuririmba naruhereye ku Kimisagara kuri Maison des jeunes, Niho Dr Jack yankuye akajya ankorera indirimbo ariko biza kurangira twemeranyije gukora itsinda.”

Nyuma yo gutabaruka kwa Dr Jack iryo tsinda ryari rimaze iminsi ryinjiwemo n’undi mugenzi wabo wamenyekanye nka Harrus ari nawe waje gukomezanya urugendo na mugenzi we Faruk Dinho kugeza muri 2018 ari nabwo baheruka indirimbo.

Nk’umuhanzi uba warubatse izina twagize amatsiko yo kumenya ibyo ahugiyemo nyuma y’umuziki.

Faruk avuga ko ubu asigaye akora akazi ku bukanishi muri Nyamirambo mu gace kazwi nka Tarinyota.

Ati “Muri iki gihe ibintu ntabwo biba byoroshye muri ya myaka byari ibintu bigoye kuko nk’ubu urebye abandi bari bagezweho icyo gihe benshi babayeho kuri Mana mfasha.”

Faruk Dinho asoza yavuze ko kugeza ubu n’ubwo amatsinda y’abahanzi mu Rwanda ari gukendera agenda asenyuka ari ikibazo gikomeye mu gihe muzika Nyarwanda ikomeje kugenda itera imbere cyane mu rwego mpuzamahanga.

Yasabye abahanzi bose bagifite uko bakora muzika ko bashyira hamwe bagakorera hamwe kuko bizabafasha kwiteza imbere mu minsi iri imbere.


Faruk Dihno asigaye ari umukanishi


Nyakwigendera Dr Jacques ni umwe mu batangije iri tsinda


Harrus wasigaranye na Dihno nawe yaretse umuziki ajya mu gushabika

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO