Ese umuntu ajya akwitaho ukabyitiranya n’urukundo rwo kubana kwa babiri?

Bikunze kubaho cyane ugasanga abantu babiri badahuje igitsina ni inshuti magara umunsi ku w’undi barikumwe agatoki ku kandi, muri bo hari uba afite ibitekerezo bitandukanye n’ibya mugenzi we akibaza ko kuba amwitaho wenda amukunda rwa rukundo rwo kuzabana nk’umugore n’umugabo.

Ntukabone uwo muntu akwitayeho ngo ubyitiranye no kugukunda ibi by’ urukundo rugera ku kubana kwa babiri.

Umutima ushobora kugushuka ugakomeza kwibwira ko umuntu agukunda, kandi mu by’ukuri urwo rukundo ruri mu bitekerezo byawe gusa.

Umunsi umwe mvuye mu kazi nahuye n’umusore duturanye witwa David, yari ababaye gusa ansaba ku mutega amatwi ku nkuru ye kugirango mugire inama.

Ati “Hari umukobwa w’inshuti yanjye magara tumaranye hafi imyaka isaga itanu tuziranye. Twamenyanye akundana n’umusore w’inshuti yanjye gusa baza gutandukana njye nkomeza kuganira nawe. Twabaye inshuti cyane akajya anyisanzuraho ku buryo ku munsi twavuganaga nka gatatu yewe naba nanahagaze neza ku mufuka tugasohoka.

Yaterwaga ishema no kumbwira ko hari umusore uri kumutereta akangisha inama niba yamwemerera. Nabimufashagamo bikanacamo, rimwe na rimwe hari abasore bamurakariraga bakeka ko wenda dukundana tukaba tubihisha.

Kumenyerana nawe no guhorana kenshi byagenda bituma anzamo cyane ku buryo numvaga nta mukobwa najya gutereta.

Gusa Bro nabuze amahitamo ndetse n’icyo nakora ngo mwereke amarangamutima yanjye gusa mba numva mbifitiye ubwoba kuko no muri iyi minsi afite umukunzi mushya kandi mba mbona bimbangamiye.”

Nyuma yo kumva iyo nkuru ya David namugiriye inama igira iti “ Wowe icara ubanze usuzume neza ubucuti mufitanye?

Ubundi wibaze uti: “Ese koko mfite ibihamya bifatika byerekana ko uyu muntu amfata mu buryo butandukanye n’abandi? Ntukemere ko ibyiyumvo byawe binesha ubushobozi bwawe bwo gutekereza.

Mu gihe umuntu atari yerura ngo akubwire ko agukunda by’ umwihariko, ntukemere ko ubucuti bwanyu bugera kure, ku buryo wababara aramutse akubwiye ko atagukunda.

Niba ushaka kumenya uko incuti yawe ikubona, mwegere umubaze, nusanga uko ufata ubucuti bwanyu atari ko we abufata, ntuzababara cyane nk’uko wari kuzababara waramaze kumukunda cyane.

Hari nubwo muhuza intekerezo, ukorosora uwabyukaga, uru rukundo ruryoha kubi kuko muba mwarasangiye byose, umwe abitse amabanga yundi, uru rukundo biragoye kurusenya cyangwa ngo rusenyuke.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO