Esipanye yakuyeho itegeko ryo kwambara udupfukamunwa nyuma y’uko ubwandu bwa covid-19 bugabanutse

Esipanye yakuyeho itegeko ryo kwambara udupfukamunwa hanze ahahurira abantu nyuma y’uko icyorezo cya covid-19 gicishije make. Ibi bije nyuma y’uko ibitaro byinshi byerekanye ko imibare y’abandura yagabanutse ndetse n’abaremba bakaba baragabanutse cyane.

Guhera kuri uyu wa Kane, kwambara udupfukamunwa hanze ntabwo biri bube bikiri itegeko nk’uko byatangajwe n’umuvugizi wa Leta ya Esipanye witwa Isabel Rodríguez.

N’ubwo udupfukamunwa tutakiri itegeko kwambarwa hanze, tuzaguma ari itegeko kutwambara imbere mu mazu ahahurira abantu benshi kandi kuburyo nibura bitashoboka gusiga intera ya metero imwe n’igice.

Gahunda yo gukuraho kwambara udupfukamunwa hanze, Esipanye iyikesha gukingira abaturage benshi aho imaze gukingira abasaga 81% muri miliyoni 47 batuye iki gihugu.

Kuva covid-19 yagera ku isi, imaze kwica abantu basaga 94,000 muri Esipanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO