Evangile:Umuramyi w’Umurundi Francis Destin yirinze guca imanza avuga ko umuziki wose umuntu yakora watanga ubutumwa bukomeye

Ku cyumweru Taliki 06 Ugushyingo 2022 nibwo Genesis Tv yakiriye umuramyi ukomoka mu gihugu cy’Uburundi maze atangira impanuro zikomeye mu kiganiro Evangile gitambuka kuri Genesis Tv bituma akumbuza benshi amuziki uramya ukanahimbaza Imana.

Bwana Francis Destin ubwo yaganiraga na Genesisbizz yatangiye avuga ko akomoka mu Gisagara cya Bujumbura(Mujyi)ndetse avuga ko yakuze akunda umuziki wo kuramya no guhimbaza Imana aho avuga ko buri wese agira umuhamagaro we.

Uyu muramyi ubwo yabazwaga impamvu abona ituma urubyiruko rwinshi rwitabira umuziki ugezweho w’Isi (Secular)kurusha umuziki uramya Imana uyu muhanzi yavuze buri wese agira umuhamagaro we kandi akomeza avuga ko burya buri ndirimbo yose ishobora gutangirwamo ubutumwa bukomeye hatitawe ku njyana n’ibindi.

Uyu muramyi Destin avuga ko kuba yarakuriye mu nzu y’Imana byamushoboje gukunda umuziki wo kuramya icyakora avuga ko atatera amabuye abakora umuziki w’Isi kuko nabo ngo bafite impamvu ikomeye bawukora kandi ngo byose biri mu muhamagaro wa buri wese.

Icyakora bwana Francis Destin avuga ko umuziki wo kuramya ushobora kunga abantu ku buryo bworoshye kuko ukubiyemo inyigisho ariko zitangwa na Mwuka Wera bityo rero ngo biroroha ko umuntu yumva ubutumwa bujyanye nicyo Imana ishaka bigatuma abasha kwiyunga byuzuye n’abandi.

Mu butumwa bukomeye uyu muramyi Destin yageneye abakunzi be yabibukije ko bajya bafata umwanya bagasenga basaba Imana ndetse ngo bakwiye kwegerana n’Imana nk’uko umubyeyi yegerana n’umwana we.




Umuramyi ukomoka mu gihugu cy’Uburundi Francis Destin yirinze guca imanza ahamya ko umuziki wose watangirwamo ubutumwa kandi bukomeye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO