FERWAFA yageneye amakipe yo muciro cya mbere miliyoni 28 kuri buri kipe.

Ishyirahamwe ry’Umupira w’Amaguru mu Rwanda (FERWAFA) ryageneye inkunga amakipe yo mu kiciro cya mbere ingana na Miliyoni 28 z’amafaranga y’u Rwanda, muri Miliyari iherutse guhabwa na FIFA.

FIFA iherutse gutanga inkunga ingana na Miliyoni 1 y’idori, iyigenera amashyirahamwe y’umupira ku isi bitewe n’ibibazo bya Covid-19 yanyuzemo. FIFA yari yavuze ko buri gihugu kizahabwa Miliyoni imwe y’amadorali.

Hagendewe ku bikorwa by’Imikino mu Rwanda, dore uko aya amafaranga azakoreshwa nkuko Umunyamabanga w’Ishyirahamwe ry’Umupira w’Amaguru mu Rwanda yabivuze.

1. Gushyira mu bikorwa Amarushanwa y’abatarengeje imyaka 15 y’amakipe yo mu Rwanda Premier League: Rwf 72,5m.

2. Ibikorwa byo Guteza Imbere Umupira w’Amaguru: 50M frw.

3. Amakipe yo mu Rwanda mu kiciro cya mbere ( Premier League): Amafaranga angana na miliyoni 28.

4. Icyiciro cya kabiri mu makipe y’abagabo: miliyoni 10m kuri buri kipe.

5. Amakipe y’abagore (Abagize Inteko rusange): miliyoni 5 frw.

6. Amakipe y’abagore (Abatari mu Inteko rusange): miliyoni 4 frw kuri buri kipe.

7. Gutangire bundi bushya mu bikorwa by’umupira w’amaguru mu marushanwa yose:miliyoni 15.

8. Amicale des Entraîneurs de Football au Rwanda (AEFR): miliyoni 2.5 frw.

9. Ishyirahamwe ry’abasifuzi mu Rwanda (Rwandaise des Arbitres de Football au Rwanda) (ARAF): Miliyoni 2.5.

- Ijabo ryawe Rwanda: Miliyoni 2.5frw.

10. Abasifuzi n’abakomiseri b’imikino: miliyoni 17.

Uretse ibi kandi FERWAFA yasabye amakipe gukora bimwe by’ibanze birimo no kwishyura bamwe mubakozi bafitiwe imyenda

Bagize bati: "Amakipe agomba guhita yishyura ibirarane abereyemo abakozi (Abakinnyi bafite imyenda ndetse n’abatoza).

Gushyira mu bikorwa amabwiriza ajyanye no kugabanya no gukumira icyorezo cya Covid-19, amafaranga azatangwa na FERWAFA, kugira ngo ifashe ubuvuzi ndetse n’ibindi bigo nderabuzima. Aha bakaba bazafatanya na Minisiteri."

Komite Nyobozi ya FERWAFA yemeje kandi ingengo y’imari y’iterambere ry’umupira w’abagore ingana na $ 500,000. Ibisobanuro birambuye kuri iki kibazo bizamenyeshwa vuba nkuko babitangaje.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO