FERWAFA yamuritse ikirango cyemewe cya Shampiyona y’uyu mwaka

Ku gicamunsi cyo kuri uyu wa gatanu tariki ya 30 Mata 2021, umunsi umwe mbere y’uko shampiyona y’u Rwanda yiswe Primus National League 2021 itangira FERWAFA ku bufatanye n’uruganda rwa Bralirwa bashyize ku mugaragaro ikirango kizakoreshwa muri shampiyona y’u Rwanda uyu mwaka.

FERWAFA ibinyujije ku rukuta rwayo rwa Twitter yatangaje ko yishimiye kumurika ikirango gishya kizakoreshwa muri shampiyona ya Primus National League.

Icyo kirango kigizwe n’inyenyeri y’umuhondo isanzwe igaragara ku kinyobwa cya Primus gikorwa n’uruganda rwa BRALIRWA ruzatera inkunga shampiyona y’u Rwanda uyu mwaka harimo n’izindi nyenyeri zikoze umupira w’amaguru.

Nkuko bigaragara ku ngengabihe zatangajwe n’ishyirahamwe ry’umupira w’amaguru mu Rwanda biteganyijwe ko imikino y’icyiciro kibaza izatangira ejo ku itariki ya 1 Gicurasi 2021 kirangire ku ya 8 Gicurasi 2021.


Ikirango gishya cya Shampiyona y’u Rwanda

Itsinda A rigizwe na APR FC, Gorilla FC, Bugesera FC na AS Muhanga

Itsinda B Rayon Sports, Kiyovu Sports, Gasogi United na Rutsiro FC.

Itsinda C rigizwe na Police FC, AS Kigali, Musanze FC na Etincelles FC

Itsinda D rigizwe na Mukura Victory Sports, Sunrise FC, Marines FC na Espoir FC.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO