Facebook na Instagram byemereye abayikoresha gushyiraho ubutumwa butuka ingabo z’Uburusiya

Urubuga rwa Facebook rwamaze kwemerera abantu barukoresha gushyiraho ubutumwa butuka ingabo z’Uburusiya na buri umwe wagize uruhare mu gushoza intambara muri Ukraine, Gusa iyi ngingo ibuza abantu gutuka abaturage b’Uburusiya basanzwe.

Ubusanzwe mu mategeko n’amahame agenga ikoreshwa ry’urubuga rwa Facebook, Ubutumwa butukana cyangwa bwandagazanya ntibwemewe ndetse n’ubikoze abinyujije kuri uru rubuga ashobora guhabwa ibihano birimo no gufungirwa konti ye.

Gusa kuri ubu ikigo cya Meta kibarizwamo Facebook, Instagram, Whatsapp na Facebook Messenger cyamaze koroshya amabwiriza yacyo agendanye n’imyitwarire ibuza gushyiraho ubutumwa butukana n’ubwandagazanya.

Ku bantu bifuza gutuka no kwandagaza ingabo z’Uburusiya n’abagize uruhare mu gushoza intambara kuri Ukraine bahawe rugari.

Uburusiya bwo bwatangaje ko iki ari ikindi gitero bwagabweho nyuma yo gufatirwa ibihano by’ubukungu bikomeye hakaba hiyongereyeho n’intambara y’ikoranabuhanga aho buri wese ubyifuza ashobora gushyiraho ubutumwa bwandagaza igisirikare cyabwo yaba kuri Facebook na Instagram.

Abashinzwe ubuvugizi bwa Facebook bo batangaje ko iki cyemezo bafashe kizarenga ku mategeko n’amabwiriza yari asanzweho bakazemerera abantu kuba bahererekanya nk’ubutumwa bugira buti " Urupfu ku ngabo z’Uburusiya zateye Ukraine" gusa bakomeza bavuga ko ubutumwa butuka abaturage b’Uburusiya bwo batazabwemera.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO