Ferwafa yahanishije Rayon Sports ibihano bikarishye.

Ikipe ya Rayon Sports Football Club, yahanwe n’ishyirahamwe ry’umupira w’amaguru mu Rwanda Ferwafa, ibihano bikarishye bitewe no kutitabira irushanwa ry’intwari rimaze iminsi rirangiye.

Iri rushanwa risanzwe ryitabirwa n’amakipe ane yakurikiranye ku rutonde rwa shampiyona rw’umwaka ushize w’imikino. Umwaka ushize, Rayon Sports niyo yari yayoboye urutonde rwa shampiyona, ikurikirwa na APR Fc, Police Football Club ndetse na Mukura Victory Sports.

Ubwo ku wa 21 Mutarama 2020 ishyirahamwe ry’umupira w’amaguru mu Rwanda, ryari ryamenyesheje amakipe ane yari yitwaye neza ko agomba gukina imikino y’igikombe cy’intwari, Rayon Sports yasabye ko itakwitabira bitewe n’impamvu yatanze ivuga ko Ferwafa hari ibyo itubahirije bitari gutuma bajya muri iryo rushanwa.

Rayon Sports yashyikirije ibaruwa Ferwafa ibamenyesha ko batazitabira iri rushanwa, ndetse Ferwafa ihita ifata umwanzuro ko basimbuzwa Kiyovu Sports.

Uyu munsi tariki 8 Gashyantare 2020, nibwo Ferwafa yashyize hanze imyanzuro yafatiye iyi kipe bitewe no kutitabira iri rushamwa ry’igikombe cy’intwari.

Ibihano yafatiwe

A. Rayon Sports ntiyemerewe gukina irushanwa ry’igikombe cy’intwari 2021, nukuvuga ko, kabone nubwo yaza mu makipe ane ya mbere itemerewe gukina iri rushanwa umwaka utaha.

2. Rayon Sports, ntiyemerewe gukina umukino wari wo wose wa gicuti yaba hano mu Rwanda ndetse n’ahandi hose ku isi.

3. Rayon Sports, yaciwe amafaranga angana n’ibihumbi 300,000,00 by’amafaranga y’u Rwanda.

Ishyirahamwe ry’umupira w’amaguru mu Rwanda Ferwafa, ryatangaje ko bafatiye Rayon Sports uyu mwanzuro bagendeye ku ibwiriza rya Fifa mu ngingo ya 60 y’amategeko agenga umupira w’amaguru ku isi.

Mu kiganiro na Radio 10 umuyobozi wa Rayon Sports yagiranye nabo muri iki gitondo, Bwana Sadate yavuze ko Ferwafa ibahannye byaba ari akarengane kuri bo kandi ko biteguye gukora ibishoboka byose kugira ngo barenganurwe.

Genesisbizz, twifuje kumva icyo uruhande rwa Rayon Sports rugbivugaho, batangaza ko aribwo bakibona ibaruwa bagiye kubitekerezaho, bakaboa kuvigana n’itangazamakuri.

Iyi nkuru, iracyakurikiranwa...

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO