Filime nshya ivuga ku Rwanda mu 1994 izerekanwa I California mu Iserukiramuco rikomeye ku Isi

Trees of Peace, ni filime nshya ivuga kuri Jenoside yakorewe Abatutsi mu 1994 mu Rwanda, iyi filime yafatiwe mu Amerika, yamaze gusohoka aho izerekanwa mu iserukiramuco rya ‘The Santa Barbara International Film Festival’ riri mu yakomeye muri Leta Zunze Ubumwe za Amerika.

‘Trees of Peace’ ni filimi y’Umunyamerikakazi witwa Alanna Brown, azwi cyane ku bwa filime 1426 CHELSEA STREET yakoze mu 2011 n’izindi zigiye zitandukanye.

Iyi yakoze ivuga kuri Jenoside yakorewe Abatutsi mu 1994 aho agaruka cyane ku buryo abagore bagiye bagira ubutwari mu gutabara no kugira abo barokora.

filime agaragazamo abagore bane baturuka mu bice binyuranye, bafite imyizerere inyuranye bahura nayo mu gihe cya Jenoside, bagafashanya kurokoka.

Muri icyo gihe bari gufashanya kurokorana, bamara iminsi 81 bihishe mu kumba kamwe.

Iyi filime irebwa mugihe cy’ingana n’iminota 97. Abakinnyi b’ingenzi bari muri iyi filime harimo “Eliane Umuhire, Charmaine Bingwa, Ella Cannon, Bola Koleosho na Tongayi Chirisa.”

Taliki ya 9 na 10 Mata bitaganyijwe ko iyi Filime izerekanwa mu iserukiramuco risanzwe ribera muri Califonia rizwi nka ‘The Santa Barbara International Film Festival.’

Iri serukiramuco ryatangiye mu 1986, muri 2014 ryakoze amateka ubwo herekanwaga filime nshya zigera kuri 200 zivuye mu bihugu bitandukanye.

Iyi filime yatwaye akayabo kari hagati y’amadorali ibihumbi ijana(100,000$) n’ibihumbi Magana inani (800,000$).

Umuhire Eliane ni umwe mu bakinnyi b’imena muri iyi filime

Umunyamerikakazi Alanna Brown niwe nyiri iyi filime
Iyi filime izamurikwa taliki ya 9, 10 Mata 2021

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO