Filime y’Umunyarwanda “Gael faye” iri guhatanira igihembo mpuzamahanga

Filime yitwa “Petit Pays” yakozwe n’Umuraperi w’Umunyarwanda ufite ubwenegihugu bw’u Bufaransa Gael Faye ihataniye igihembo mu iserukiramuco mpuzamahanga rya ‘Film Francophone d’Angoulême’ ribera mu Bufaransa.

Iri serukiramuco rya ‘Francophone d’Angoulême festival’ rishimira amafilime ari mu rurimi rw’igifaransa aba yaratunganyijwe neza. Guhitamo azahatanira ibihembo byatangiye taliki ya 10 Nyakanga 2020.

Ibirori byo guhemba izi filime biteganyijwe ko bizaba guhera taliki ya 28 Kanama kugeza kuri 2 Nzeri 2020, bibere I Paris mu Bufaransa. Byari biteganyijwe ko bizaba taliki ya 3 Werurwe 2020 ariko birasubikwa kubera Covid-19.

Uyu muhanzi aheruka mu Rwanda ubwo yari yaje kumurika iyi filime ye. Inkuru yayo ihuye n’amateka y’u Rwanda n’u Burundi.

Firime “Petit Pays” irimo nkuru y’ubuzima bw’umwana wavukiye i Burundi abyarwa n’umunyarwandakazi w’impunzi n’umuzungu w’Umufaransa.

Uwo mwana avuga uko yabonaga ubuzima muri icyo gihe, bitewe n’ibibazo by’amoko.

Uwo mwana uba afite hagati y’imyaka 10 na 15, aba yibuka uburyo ubuto bwe bwaje kwicwa n’ibibazo bya poritike zo muri aka karere. Anavuga ku kibazo cyo kuvuka ku babyeyi badahuje uruhu.

Nyuma yaje guhungishirizwa i Burayi ari nabwo yaje kubona ko kuba imvange bigoye kuko haba i Burundi no mu Burayi, hose abantu bamufataga nk’umunyamahanga.

Amaze gukura yiyemeje kugaruka muri Afurika kuko ariho nibura yumvaga ari iwabo. Mu byatumye yumva yigaruriye ikizere ni ugukunda gusoma no kwandika.

Iki gitabo kivuga ku mateka yaranze u Burundi n’u Rwanda, mu myaka ya za 90 kugera na nyuma yaho.


Aba ni bamwe mu bagaragara muri iyi film

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO