Filime yakorewe mu Rwanda izerekanwa mu Iserukiramuco rya Cannes mu Bufaransa

Filime yitwa ‘Neptune Frost’ yakozwe n’umunyamerika afatanyije n’umugore we w’umunyarwanda hamwe n’abakinnyi bakomoka mu Rwanda ni imwe mu zizerekanwa mu iserukiramuco rya Cannes ryitabiriwe n’ibyamamare bikomeye ku Isi harimo n’umunyakoreya Bong Joon Ho.

Iri serukiramuco ngarukamwaka rya Cannes ni rimwe mu yakomeye ku Isi muri Sinema. Umwaka ushize ntabwo ryabayeho kubera ikibazo cya Covid-19. Gusa uyu mwaka ryarabaye kuko ryafunguye ku mugaragaro ku ya 6 Nyakanga, rizasozwa 17 Nyakanga 2021.

Mu biteganyijwe kuzerekanwa muri iryo serukiramuco harimo amafilime yakunzwe hamwe n’andi azaherekanirwa bwa mbere harimo niyakorewe mu Rwanda.

Iyo filime yitwa ‘Neptune Frost’ yakozwe n’Umunyamerika Saul Williams n’umugore we w’Umunyarwandakazi, Anisia Uzeyman, ikanifashishwamo abanyarwanda batandukanye, izerekanwa muri iri serukiramuco ari na bwo izamurikwa.

Iyi film yafatiwe amashusho mu Rwanda iminsi mike mbere y’uko icyorezo cya Coronavirus gitera. Yanonosowe mu bihe bya Guma Mu Rugo. Izerekanwa mu cyiciro cya ‘Quinzaine des Realisateurs’ muri Cannes Film Festival kizwiho kwerekanirwamo film nshya zifite umwihariko.

‘Neptune Frost’ izerekanwa muri film ndende zirenga 20 hamwe n’izindi zirimo “A Chiara” ya Jonas Carpignano, “A Night of Knowing Nothing” ya Payal Kapadia, “Ali & Ava” ya Clio Barnard, “Clara Sola” ya Nathalie Álvarez Mesen, “Hit the Road” ya Panah Panahi n’izindi.

Umunyakoreya Bong Joon Ho ari mu bashyitsi badasanzwe bitabiriye

Filime ze zirangwa no kwibanda ku nsanganyamatsiko, kuvanga injyana, gusetsa, no guhindura ijwi bitunguranye.

Agarutse kuri Croisette, nyuma y’uko Parasite itsindiye igihembo cya Palme d’or iheruka muri 2019, kugeza ubu ni iyambere mu mateka ya sinema ya koreya.

Muri iryo serukiramuco hakaba harerekanywe filime ye ’Rendez-vous’ bukeye bwaho mu nzu mberabyombi ya Buñuel inzu isanzwe yakira iri serukiramuco mpuza mahanga rya sinema.

Nyuma y’imyaka ibiri herekanwa Parasite Mu Irushanwa rya Grand Théâtre Lumière, Bong Joon Ho yagarutse i Cannes, aho Palme d’Or yari iyambere mu bihembo byinshi yahawe ku isi.

Mubindi byatunguranye byari byitezwe muri ibi birori byo gufungura iri serukiramuco, umuyobozi wa Memories of Murder niwe watangaje kumugaragaro ko iserukiramuco rya Cannes ku nshuro yaryo ya 74 rifunguye ku mugaragaro.

Ku bakunzi ba sinema ndetse n’abayikurikiranira hafi Iyo akenshi babonye iki kirango kiri mu ishusho y’umukindo bahita batekereza ku iserukiramuco rimwe muyakomeye kuri uyu mugabane.

Iserukiramuco rya Cannes, nicyo gikorwa kinini cya filime ku isi, rigamije gukurura ibitekerezo no kuzamura imiterere ya firime kandi, kubikora, kugira uruhare mu iterambere rya sinema no kuzamura inganda za firime ku rwego mpuzamahanga.

Mu minsi cumi n’ibiri buri mwaka, ikurura ibihumbi by’abanyamwuga n’abakunzi ba firime baturutse impande zose z’isi, baza kwizihiza sinema ahantu hihariye havugwa imbaraga z’umuco n’ubuhanzi.

Kuva mu 2003 ryiswe Iserukiramuco mpuzamahanga rya Filime kandi rizwi mu Cyongereza nk’Iserukiramuco rya Filimi rya Cannes, ni iserukiramuco rya filime ngarukamwaka ribera i Cannes, mu Bufaransa, rikaba ryerekana filime nshya z’ubwoko bwose, harimo na filime mbarankuru, ku isi yose.

Mu bihembo Nyamukuru Bitangwa harimo; Palme d’Or yatanzwe kuva 1955, isimbuye Grand Prix y’ibirori. Nicyo gihembo cy’icyubahiro cy’ibi birori gihabwa filime nziza yaya marushanwa.


Bong Joon Ho ni umwe mu bashyitsi b’imena bitabiriye iri serukiramuco

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO