Friday Dating: Ikiganiro gishya kigamije kuguhuza n’umukunzi w’inzozi zawe

Televiziyo ya Genesis yateguriye abakunzi bayo ikiganiro gishya kitwa “Friday Dating” aho buri muntu wese udafite umukunzi azajya yiyandikisha ubundi agahuzwa n’uwo yifuza ariko bikanyura muri icyo kiganiro.

Ni kenshi abantu bibaza niba bishoboka gukundana n’umuntu ari bwo bwa mbere muhuye ndetse bikaba ikibazo cy’uko wabyitwaramo ngo umuterete.

Bijya bibaho ko umuntu ahura n’undi agahita amukunda, nyamara n’ubwo byabaho kwitonda biba ari ngombwa kugirango umenye uwo wakunze uwo ariwe, imico n’ibyiyumviro bye, amateka ye ndetse n’ibindi bimwerekeyeho.

Isaha imwe irahagije ngo ibi ube ubigezeho binyuze mu kiganiro cyitwa Dating Friday kizajya kinyura kuri “Genesis TV” usanga kuri Decoderi ya Canal + Shene ya 387.

Ni ikiganiro kizajya kiba buri wa gatanu. Mu mubare w’abantu biyandikishije hazajya hafatwa umuhungu umwe n’umukobwa ubundi bahurizwe muri icyo kiganiro kizajya kiba ari imbonankubone (Live).

Nta munyamakuru uzajya akora icyo kiganiro ahubwo abo batoranyijwe nibo bazajya baganira bateretana ariko binyura kuri Televiziyo.

Kwiyandikisha bizajya bikorerwa ku rubuga rwa Genesisbizz.com (https://genesisbizz.com/. ) Iyo winjiye kuri urwo rubuga ujya ku cyiciro n’ubundi kitwa ‘Friday dating’. Iyo umaze kwinjiramo ukurikiza amabwiriza yibisabwa kugirango wiyandikishe.

Uwemerewe iki gikorwa ni uguhera ku myaka 20 y’amavuko kugeza hejuru ya 50. Ibindi ni uko ushyiraho umwirondoro wawe hamwe n’ifoto yawe.

Ukuzuza nibyo umukunzi wifuza yujuje niba ari inzobe cyangwa se igikara niba ukunda ubyibushye cyangwa unanutse nabyo ukabivuga kugirango bazaguhuze n’uwo.

Mukubahuza tuzagendera kubyo wasabye turebe no mu bandi biyandikishije uwujuje ibyo wifuza ubundi muhurire muri icyo kiganiro.

Mukiganiro muzajya muganira bisanzwe ariko unagerageza gutereta uwo mwahuye kugirango abe yakubera umukunzi w’inzozi zawe nkuko uba warabisabye.

Nyuma y’icyo kiganiro niho uruhare rwa Genesis TV rurangirira, ubwo bitewe n’uko umusore cyangwa umukobwa yitwaye nibyo bizajya bimuha amahirwe yo gukomeza umubano n’uwo mukunzi w’inzozi ze.


Ku bindi bisobanuro wahamagara iyo nimero iri hasi kuri iyi foto

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO