GENESIS TV niyo televiziyo nshya mu Rwanda yongerewe ku zizajya zirebwa kuri Canal+

Televiziyo nshya igiye kuzajya ikorera mu Rwanda yitwa Genesis ni imwe muri zirindwi zongerewe kuri Canal+, zije zisangaho izindi ebyiri zari zisanzwe zigaragaraho.

Mu rwego rwo gukomeza kwagura ibikorwa ikigo cya Canal+ cyerekanye amateleviziyo mashya yo mu Rwanda, abakiriya babo bazajya bareba.

Taliki 12 Gicurasi 2020 amateleviziyo ane arimo “KC2, TV1, BTN TV na Isango Star” nibwo zatangiye kugaragara kuri Canal+ nkuko byari byaratangajwe mbere. Nyuma y’izo ubuyobozi bwa Canal bwatangaje ko hari izindi Televiziyo zizakurikiraho vuba harimo “GENESIS TV, Authentic TV na Flash TV”.

Ayo mashene yose azaba ari kuri Canal+ ku bantu bayifite bifuza kuzajya bayareba bahananuriwe ibiciro kuko ifatabuguzi ry’ukwezi barishyize ku bihumbi 7500frw.

Genesis TV niyo Televiziyo nshyashya gusa izaba yiyongera ku zizajya zigaragara mu Rwanda kuko izindi zo zisanzwe zikora nubwo ari nshyashya kuri Canal+.

Genesis TV ni televiziyo nshya yashinzwe na Niragire Marie France uzwi cyane mu mwuga wa Sinema nka Sonia.
Iyi Televiziyo izatangirira kuri Canal+ izaba ifite umwihariko w’ibiganiro byibanda ku myidagaduro na Siporo gusa.


Genesis TV niyo Televiziyo nshyashya gusa izaba yiyongera ku zizajya zigaragara mu Rwanda

Canal+ ni ikigo gikorera mu Bufaransa ariko kibanda cyane mu itangazamakuru. Yatangiye gukora mu 1984 ishinzwe n’uwitwa Vivendi. Magingo aya imaze kwamamara ku Isi dore ko ikorera mu bihugu binyuranye haba ku mugabane w’Afurika, Iburayi ndetse no muri Asia. Uretse kuba bafite amateleviziyo bakagira nandi bakorana, iki kigo gisanzwe gitunganya n’amafilime, kikagira n’ama-Studio azitunganya.

Yatangiye gukorera mu Rwanda mu 2012 igira imikoranire n’ikigo cya Tel 10 hagamije kuzamura urwego rw’Amateleviziyo yo mu Rwanda kugirango agere ku rwego rwiza mpuzamahanga.

Genesisbizz

Related Articles

Ibitekerezo

  • - Sindahera lambert

    Muraho, Nabazaga ukuntu najya ndeba Genesis TV Rwanda En direct nagerageje biranga ntuye en Belgique Murakoze

  • - Mugabo Emmanuel

    Telvision iziye igihe Imyidagaduro cyane Sport Ndizera kandi ibijyanye niyobokamana kuzamura abahanzi muri Rusange Muzabafasha

  • - Ibrahim

    GENESIS turayishimiye rwose iziye igihe

Igitekerezo cyawe kirashyirwaho aruko gisusumwe

TANGA IGITEKEREZO