GENESIS TV yateguye irushanwa ry’umuziki ryitwa Head’s Up

Ikigo cya ‘Genesis Broadcasting Network’ cyateguye irushanwa ry’umuziki ryitwa Head’s Up Competition rizaba rigamije kuzamura impano nshya mu muziki Nyarwanda.

Kwiyandikisha muri iri rushanwa bizatangira taliki 3 bisozwe kuri 31 Kanama 2020. Kwiyandikisha bizajya bikorerwa kuri Website ya www.genesisbizz.com

Niragire Marie France wateguye iri rushanwa yavuze ko icyo agamije ahanini ari ugufasha abana bafite impano ariko babuze aho bigaragariza kugirango abantu babamenye.

Ati “Gukora ibi nta y’indi nyungu mbifitemo ahubwo ni urukundo rw’umuziki kuko njya mbona abana benshi bafite impano ariko babuze ubushobozi cyangwa se aho banyura kugirango abantu babamenye ari nayo mpamvu tuzabakorera indirimbo tukabana n’andi mafaranga azabafasha muri urwo rugendo.”

Abemerewe guhatana ni abafite impano mu kuririmba ariko havuyemo abamaze kuba ibyamamare. Abiyandikisha bagomba kuba bari hagati y’imyaka 10 na 35.

Irushanwa rizatangira taliki ya 12 Nzeri, risozwe kuya 26 Ukuboza 2020. Hazahembwa batatu bazaba aba mbere.

Uwa mbere azakorerwa indirimbo esheshatu (mini album) ndetse n’amashusho y’indirimbo ebyiri. Nyuma y’ibyo azanahabwa amafaranga angana na Miliyoni (1000 000frw).
Uwa kabiri azahembwa ibihumbi Magana atanu (500 000frw), uwa gatatu we ahabwe ibihumbi Magana atatu (300 000frw).

Icyiciro cya mbere kizaba kigizwe n’abantu 80 bazarushanwa hagasigaramo 40 aribo bazakomeza guhatana kugera hasigayemo icumi bazagera ku cyiciro cya nyuma. Ku rushanwa bizajya biba buri cyumweri binyuze imbonankubone (live) kuri Genesis TV.

Taliki ya 6 Ukwakira 2020 hazatangazwa urutonde rw’abantu 40 batsinze bakwiye gukomeza mu kindi cyiciro.

Abo bose bazarushanwa kugeza taliki ya 13 Ukuboza 2020 hasigaremo icumi gusa ari nabo bazaba bageze mu cyiciro cya nyuma.

Abo icumi bazaba batsinze bazakorana indirimbo ivuga ku irushanwa rya Head’s Up. Nyuma yaho buri muhanzi azaba yarakoze indirimbo ye ari nayo azaririmba mugihe azaba ari imbere y’abagize akanama nkemurampaka.

Irushanwa biteganyijwe ko rizasozwa taliki ya 26 Ukuboza 2020 , hazahembwa batatu bazaba babaye aba mbere.

Uzaba uwa mbere azakorerwa indirimbo esheshatu (mini album) ndetse n’amashusho y’indirimbo ebyiri. Nyuma y’ibyo azanahabwa amafaranga angana na Miliyoni (1000 000frw).

Uwa kabiri azahembwa ibihumbi Magana atanu (500 000frw), uwa gatatu we ahabwe ibihumbi Magana atatu (300 000frw).

Iri rushanwa rizajya riba buri mwana abahatana bemerewe kwiyandikisha ariko mu byiciro birimo injyana ya “RnB, Gospel, Hip-Hop, Gakondo na Afrobeat.”

Abazagira uruhare mu gutora abatsinze hazaba harimo akanama nkemurampaka kazaba gafite uruhare rwa 50%, gutorera kuri internet byo bizaba bifite 30% naho ubutumwa bwo mu ndirimbo hamwe n’uko bazitwara muri Studio byo bikazaba bifite 20%.


Uzegukana iri rushanwa azahembwa miliyoni akorerwe n’indirimbo esheshatu

Genesisbizz

Related Articles

Ibitekerezo

  • - Irakoze butare aime

    Ko nta link ya Registration tubonaho ngo tubashe kwiyandikisha?

  • - Kanimba majesty

    Mwiriwe pfite impano yokuririmba rnb Navutse 2003 pfite imyaka 18 Ntuye gahanga akarere ka kicukiro Umurenge :gahanga Akagari :nunga Umudugudu :kinyana Murakoze 🙏🏻

  • - Kanimba majesty

    Ndashaka kwiyandikisha pfite imano yokuririmba rnb navutse 2003 pfite imyaka 18 ntuye gahanga . Akarere ka kicukiro Umurenge :gahanga Akagari :nunga Umudugudu:kinyana Murakoze 🙏🏻

  • - Kanimba majesty

    Ndashaka kwiyandikisha pfite imano yokuririmba rnb navutse 2003 pfite imyaka 18 ntuye gahanga . Akarere ka kicukiro Umurenge :gahanga Akagari :nunga Umudugudu:kinyana Murakoze 🙏🏻

Igitekerezo cyawe kirashyirwaho aruko gisusumwe

TANGA IGITEKEREZO