GHANA:Bakubiswe nk’iz’akabwana nyuma yo gusambanira ku Karubanda

Umukobwa n’umuhungu bagaragaye mu mashusho y’urukozasoni yagiye ku mbuga nkoranyambaga batawe muri yombi n’abaturage bakubitirwa mu ruhame ahitwa Wa, mu majyaruguru ya Ghana.

Tariki ya 31 Gicurasi 2022, nibwo aba baturage bakoze urugendo bajyana aba bantu ku ngoro ya Wa Naa maze babakubitira ku karubanda.

Uyu mukobwa n’umuhungu bari bagaragaye basambana mu mashusho yashyizwe hanze ku wa 29 Gicurasi.

Ibi ntibyakiriwe neza n’urubyiruko ruziranye n’aba bombi, bahita babafata ku wa kabiri, babahambira ku giti imbere y’ingoro ya Wa Naa (umwami) barabakubita karahava.

Muri iki gihugu cya Ghana hari andi mashusho yari yagiye hanze mbere,aho undi mukobwa ukiri muto yagaragaye atangaza ko ari umusambanyi kandi akunda gutera akabariro cyane.

Iki kibazo cyagejejwe ku basaza bo muri aka gace ka Wa maze bahitamo ko igihe cyose bahuye n’amwe muri ayo mashusho bagomba gushakisha abantu bayarimo bakabazana ku basaza bityo bakabahana.

Impamvu yatumye aba bombi bakubitirwa mu ruhame ni uko aba baturage bashaka kubuza abandi bakobwa n’abahungu bato kwishora mu bikorwa by’ubusambanyi i Wa, nk’uko amakuru abitangaza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO