Galeth Bale afashije Wales kujya mu gikombe cy’isi aho hashize imyaka na nyagatekeri badakandagiramo

Gareth Bale uheruka gutandukana na Real Madrid yafashije ikipe y’igihugu ya Wales gusezerera Ukraine yerekeza mu gikombe cy’isi cya ruhago yaherukagamo mu mwaka wa 1958.

Mu ijoro ryari ryuzuye amarangamutima menshi i Cardiff,Wales yasezereye Ukraine yari ishyigikiwe na benshi kubera intambara iri kubera ku butaka bwayo.

Ku munota wa 34 w’umukino,nibwo Bale yateye free kick nziza yakozweho na Andriy Yarmolenko,umupira werekeza mu izamu ndetse uyu mukino warangiye ari iki gitego 1 cyinjiye mu izamu.

Wales yari imaze imyaka 64 idakina igikombe cy’isi ariko yaraye ibigezeho ibifashijwemo n’abakinnyi biganjemo abadafite amazina akomeye by’umwihariko mu bwugarizi.

Mu gice cya kabiri cy’umukino amakipe yombi yakomeje gusatirana nyamara amahirwe bayatera inyoni dore ko umukinnyi Galeth Bale yongeye kubona uburyo imbere y’izamu ariko ntayabyaze umusaruro.


Ukraine nayo yabonye amahirwe menshi yo kunganya ariko yagowe cyane n’umunyezamu wari uhagaze neza Wayne Hennessey n’ubwugarizi bwari burangajwe imbere na Ben Davies.

Ubu Wales iri mu byishimo byo kuzitabira irushanwa rikomeye kurusha ayandi mu mupira w’amaguru mu Gushyingo, aho izaba iri kumwe n’Ubwongereza, Amerika na Irani mu itsinda rimwe muri Qatar.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO