Gary Neville arimo gushinja Gamie Carragher kwikirigita agaseka nyuma yo kwemeza ko Liverpool izatwara igikombe

Ikipe ya liverpool igomba kurira umusozi dore ko ifitanye umukino ukomeye n’ikipe ya Real Madrid mu irushanwa rya UEFA Champions League gusa intambara y’amagambo yatangiye hagati ya Garry Nevile na Jamie Carragher bombi batavuga rumwe kuri uyu mukino.

Umunyabigwi ukomeye cyane mu ikipe ya Liverpool ariwe Jamie Carragher yahamije ko ikipe ya Liverpool igomba kwegukana iki gikombe cya Champions League gusa mugenzi we Garry Neville wabaye Kapiteni wa Manchester United yahamije ko ibyo uyu mugabo avuga bisa no kwikirigita agaseka ndetse yemwe anahamya ko ari ukubyina mbere y’umuziki.

Ikipe ya Liverpool igomba guhura n’ikipe ya Real Madrid mu mukino uteganyijwe kuri uyu wa Gatandatu taliki ya 28 Gicurasi 2022, aho uyu mukino uteganyijwe kubera mu gihugu cy’Ubufaransa.

Jamie Carragher yakomeje ahamya ko afite ikizere gikomeye kuko abona ko ikipe ya Liverpool igomba gutwara Champions League aho ashingira ku bushobozi bw’umutoza Jurgen Klopp gusa Garry Nevile we ntabikozwa aho ahamya ko ikipe ya Real Madrid ifite hagati mu kibuga hakomeye kurusha ikipe ya Liverpool ndetse kuri we ibi abifata nk’intwaro ikomeye.

Magingo ayaumutoza Jurgen Klopp aramutse atwaye Champions League cyaba ari igikombe cya Gatatu atwaye mu mwaka umwe w’imikino aho ibi byakozwe na Sir Alex Furgerson mu mwaka wa 1999.

Si ubwambere ikipe ya Liverpool yaba ihuye n’ikipe ya Real Madrid dore ko aya makipe yombi aheruka guhura mu mwaka wa 2018 ubwo Liverpool yatsindwaga na Real Madrid ibitego 3-1.


Amakipe yombi agiye gukina uyu mukino afite ubusatirizi bumeze neza dore ko ikipe ya Real Madrid irangajwe imbere na Karim Benzema naho Liverpool ikaba irangajwe imbere na Mohhammed Salah ukomoka mu gihugu cya Misiri.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO