Gisa Cyinganzo yanze kwirahuriraho umuriro ahagarika ubukwe bwe

Mugihe haburaga iminsi mbarwa ngo ubukwe bwa Gisa Cyingazo bube uyu muhanzi yamaze gutangaza ko butakibaye bitewe n’imyitwarire itari myiza y’umukobwa bagombaga kubana.

Ubukwe bwa Gisa na Barindisezerano Yackin bwagombaga kuba taliki ya 01 Mutarama 2021 – Kuri Bonane.

Mu mpera z’ukwezi kwa Nzeri 2020 nibwo umuhanzi Gisa Cyinganzo yatunguranye ashyira hanze integuza y’ubukwe bwe n’umukunzi we.

Harabura iminsi mike ngo itariki y’ubukwe bwa Gisa na Barindisezerano igere ariko impapuro z’ubutumire ntizirasohoka yewe uyu muhanzi ntaherutse kugira n’icyo abivugaho.

Mu Kiganiro yagiranye na HOSE! Gisa Cy’Inganzo yavuze ko ubukwe bwe bwahagaze nyuma yo kubona imyitwarire itari myiza ku mukunzi we.

Ati “Hajemo ikibazo cy’imyitwarire idahwitse n’ababyeyi barabimenya rero biba ngombwa ko tubyigiza inyuma kugira ngo turebe impinduka. Ubu se wakwirahuriraho umuriro uwureba?”

Nubwo Gisa aterura ngo avuge ikosa yakorewe n’uwo biteguraga kubana, ubu ngo ntibanakivugana ndetse ntazi n’aho aherereye kuko na telefone ye yayikuyeho.

Ati “Habayeho gutuza hashize n’igihe tutari kumwe sinzi aho yahise yerekeza nyine nahise nita ku mikorere n’iterambere byanjye… sinzi aho ari ntituri kuvugana na nomero ye nabonye asa nk’aho yayikuyeho.”

Gisa avuga ko Barindisezerano aramutse yemeye guhinduka urukundo rwabo rwakomeza, gusa ngo byanze buri wese yakomeza agaca inzira ye.

Integuza y’ubukwe bwabo bari barashyize hanze

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO