Gitumo ivugwa kuba yaratangiriye I Burundi, yageze inaha ite?

Inkomoko ya Gitumo mu Rwanda hari abavuga ko burya ishobora kuba ikomoka mu gihugu cy’Uburundi, aho bivugwa ko mu myaka yo ha mbere abahanzi b’Abarundi bararanaga inkweto kugira ngo nibabageraho basange biteguye.

Gitumo ni ubu buryo bukoreshwa mu itangazamakuru mu kugera ku nkuru mu buryo butunguranye k’umuntu ugiye gusabwa amakuru, aho haba hagambiriwe kumusanga mu buzima bwe busanzwe abantu batari bamumenyereyo.


Gitumo ntiyari imenyerewe cyane inaha,byatumye benshi bayanga urunuka

Izi gitumo zikorerwa akenshi abamaze kugira amazina azwi cyane, abenshi mu babakurikira baba bakeneye kumenya uko babayeho mu buzima busanzwe butarimo ubwamamare.

Bene ibi bikorwa benshi barabyinubiye cyane ubwo byageraga mu Rwanda ni mu gihe Bac-T yageragezaga kujya abikora, agatungura benshi mu bahanzi bazwi inaha.

Genesisbizz iganira na Bac-T, yagize ati: “Gitumo duhuriramo na challenges nyinshi, ariko kuba Abarundi bavuga ko aribo bayizanye mbere sinemeranya nabo, ahubwo inspiration yavuye kuri TMZ yo muri Amerika.”


Bac-T yemeza ko batabura guhuriramo n’ingaruka mbi, ariko bagakomeza kuko ari akazi

Ku Barundi bo bavuga ko iyi Gitumo y’abo yatangiriye mu kiganiro cyitwaga ‘Burundi Talent cyanyuraga kuri televiziyo ya Rema gikorwa na Idris Simbizi, gusa we akemeza ko yagikoraga mu buryo buhabanye gato n’uko aba bashya babyinjiyemo babigenza.

Idris Simbizi yagize ati: “twasangaga ababaririmbyi mu ngo zabo batiteguye, tukabakangurira guhora biteguye ari nabyo byatumaga benshi barara bambaye inkweto.”

Kimwe na Bac-T wo mu Rwanda watangiye bene ibi biganiro bitaramara imyaka ibiri, Landry Promoter w’I Burundi icyo yise ‘UMUVUMBURO’ cyatumye afungwa azira kuvumbura nk’uko yabyitaga abahanzi b’abarundi ndetse anabikubitirwamo inshuro nyinshi.


Landry (ibumoso) arikumwe na Simbizi Idris watangiye Gitumo muri aka karere (iburyo)

Simbizi Idris uvuga ko yazanye ubu buryo bwo gukoramo itangazamakuru butari busanzwe bumenyerewe muri aka karere, avuga ko abaririmbyi bamutinyaga cyane kugeza aho bararaga bambaye inkweto kugira ngo badatungurwa nawe basa nabi.

Gitumo n’ubwo usanga igoye cyane kubayikorerwaho, hari n’ubwo usanga igira ingaruka zitari nziza kubayikora baba baniteguye kuba bazirengera, cyane ko baba batamenyesheje abagiye kuyikorerwa.

Wowe ubona Gitumo ari nziza cyangwa ari mbi?

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO