Gusaza ni ugusahurwa George W.Bush yateshagujwe yitiranyaga intambara yo muri Ukraine niyo yagabye muri Iraq

Uwahoze ari Perezida wa Leta Zunze Ubumwe za Amerika bwana George W.Bush yibeshye asa nurimo guteshaguzwa ubwo yitiranyaga intambara yo muri Ukraine niyo yashoje muri Iraq maze avuga ko yamagana bikomeye intambara yo muri Iraq

Uyu musaza wahoze ayobora Leta zunze ubumwe za Amerika ibi yabitangaje kuri uyu wa Gatatu taliki ya 18/Gicurasi 2022 ubwo yari mu Mujyi wa Dallas muri Leta ya Texas.

Magingo aya George W.Bush afite imyaka 75 y’amavuko, ndetse ubwo yari mu nama yatangaje ko intambara u Burusiya bwagabye muri Ukraine ari iya kinyamaswa kandi nta mpamvu ifatika yayo.

Gusa mu gihe cyo kuvuga ibi, yarabyitiranyije aho kubyita intambara y’u Burusiya na Ukraine, yabyise intambara yo muri Iraq.

Iyi ntambara yo muri Iraq yatangijwe k’umugaragaro na George W.Bush ubwo yayoboraga iki gihugu ndetse ku ikubitiro iki gihugu cyashoje intambara muri Iraq mu mwaka wa 2003, mu nkundura yo guhiga bukware uwahoze ari umukuru w’igihugu cya Iraq bwana Saddam Hussein Abd Al Majid Al Tikrit.


Ubwo Bush yibeshyaga kuri izi ntambara zombi yagize ati ’’Ikigaragara ni uko nta bwigenge bw’inzego buba mu Burusiya ari nayo mpamvu umuntu umwe yihandagaje agatangiza intambara idafite impamvu kandi ya kinyamaswa, agatera Iraq”.

Hashize akanya gato avuze Iraq, abari bamukurikiye baguye mu kantu baraseka, ahita yikosora ati “Navugaga Ukraine.”

Bush yahise asaba imbabazi abari bamukurikiye, ababwira ko imyaka ye ariyo ntandaro yo kwitiranya Ukraine na Iraq.

George W. Bush yashimye cyane Perezida wa Ukraine, Volodymyr Zelenskyy, wanze kuva ku izima agahangana n’u Burusiya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO