Gutandukana kwa Safi n’umugore we ngo ntakibazo byateje mu miryango yabo

Niyonizera Judith ucyambaye impeta yambitswe na Safi Madiba yakoranye ikiganiro n’itangazamakuru avuga kuri filime ye igiye gusohoka aboneraho no kuvuga ku gutandukana n’umugabo wisezerano.

Iyo filime yamurikaga yitwa “Za nduru”, inkuru yayo ishingiye ku muziki aho aba yerekana imvune abahanzi banyuramo kugirango bamenyekane.

Niyonizera yavuze ko gukina filime ari ibintu akunda ngo kuko yabitangiye akiga mu mashuri abanza ubwo yakinaga muri filime ari umumansera.

Igitekerezo cyo gukora filime ivuga ku muziki yagihawe na Muyoboke Alex.

Ati “Kugirango dukore ku nkuru z’abahanzi ni uko bamwe baba batazi imvune banyuramo. Muyoboke niwe wampaye igitekerezo gusa nanjye ndabizi kuko kenshi naherekezaga Safi nkabona uko bivuna gusa twashatse gukora ibintu byihariye bitandukanye n’izindi tubona.”

Yagarutse kandi ku mibanire ye n’uwahoze ari umugabo we Safi Madiba uri kubarizwa ubu muri Canada.

Yavuze ko atigeze atandukana na Safi ngo kuko acyambaye impeta yamwambitse. Ati “Ndacyambaye impeta yanyambitse rero ibyo kuvuga ngo twaratandukanye ntabyo nzi.”
Yakomeje avuga ko gutandukana kwabo ntakibazo byigeze biteza mu muryango wabo… Ati “Ntakibazo byateye mu muryango gusa ni ibisanzwe ntabirenze.”

Ubu Safi ari mu mubare w’abantu banduye Coronavirus umugore we yavuze ko yabuze uko ajya kumusura ngo amwiteho ariko yizeye ko abaganga bazamwitaho neza agakira.

Kuba yinjiye muri Sinema intego ye ntabwo ari ukuba icyamamare ahubwo ngo ni uko abikunda kandi ashaka no guteza imbere umuziki Nyarwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO