Hagiye gusohoka filime “About Love” ivuga ku ngaruka mbi z’abashakana bakiri bato

Hagiye gusohoka filime y’uruhererekane yitwa “About Love” ivuga ku ngaruka mbi zabashakana bakiri bato ariko nanone yibanda ku buzima bw’umuziki.

Urubuga rwa You tube kuri ubu usanga aribwo rumaze kwigarurira Sinema Nyarwanda kuko ariho hasigaye horohera benshi kandi bakahakura n’amafaranga bitandukanye nuko mbere byakorwagamo.

Izikunzwe mu Rwanda nyinshi usanga ariho zibarizwa kuri ubu hakaba hari nindi nshya igiye kujya iherekanwa inyuze kuri uru rubuga kuri konte yitwa Irenga.

Iyi filime y’uruhererekane izaba yitwa “About Love.” Umuyobozi wayo witwa Uzabumwana Hussein yavuze ko ari igitekerezo yagize bitewe n’ibyabaye ku nshuti ye yashatse umugore bose bakiri abana kubaka urugo biza kubananira.

Ati “Mfite inshuti yanjye yashatse umugore bakiri bato mu myaka ariko nubu nta mahoro aba afite kuko yabikoze mu buryo butunguranye. Narebye ubuzima abayemo birambabaza mpitamo gukora iyi filimi ngira ngo ngire inama bagenzi banjye.”

Inkuru ya filime ahanini ivuga cyane ku musore witwa Brighton wari umuhanzi ukizamuka, aza gukundana n’umukobwa nawe wari mu myaka ye baza kwisanga babanye nyamara buri wese akiri muto.

Byaje no gutuma ubuzima bwa Brighton buhinduka kuko atigeze yakira ko afite umugore bitewe n’imyaka ye.

Bitewe no gukururwa n’iraha ry’isi yaje kwinjira mu rukundo n’undi mukobwa bituma amutera inda nabyo ntiyabyakira bituma atangira kwiyahuza ibiyobyabwenge, nabyo kubw’amahirwe aza kubikurwamo n’inzu itunganya umuziki yitwa Kami yaje kumufasha bimuhindurira ubuzima.

Iyi filime izagaragaramo abakinnyi basanzwe bakina filime bamaze kumenyekana hano mu Rwanda barimo Habimana Jean Bosco uzwi ku izina rya ‘Matayo’ usanzwe akina filimi yanamwiyitiriye yitwa ‘Matayo High School, ndetse n’abandi batandukanye barimo na Producer Beat killa.

Umuyobozi w’iyi filime Uzabumwana Hussien yavuze ko izajya ica kuri Youtube ya Irenga Tv buri wa Gatanu.

Iyi filimi yafashwe mu buryo bw’amashusho inatunganywa na Kompanyi ya Dream Day Studio.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO