Hagiye gutangwa ibihembo ku bavuga rikijyana ku mbuga nkoranyambaga

Rwanda Influencer Awards ni igikorwa kigiye kubaho ku nshuro ya mbere aho bazahemba abantu bari mu byiciro bitandukanye ariko hibandwa ku bakoresha imbuga nkoranyambaga.

Muri uyu mwaka nibwo bwa mbere kizaba cyibaye aho biteganyijwe ko abazatsinda bazatangazwa mu kwezi kwa Ukuboza. Gusa abazatoranywa mu byiciro bitandukanye bo bazaba baratangajwe mbere kuko hazabaho n’amatora.

Kalisa Christian uhagarariye iki gikorwa yabwiye GENESIS TV ko iki gitekerezo cyaje bitewe n’uburyo imbuga nkoranyambaga zateye imbere aho usanga abazikoresha neza bisigaye bibabyarira umusaruro.

Ati “Muri iki gihe icyorezo cya covid-19, twabonye abantu benshi bafite impano zigenda zigaragara kandi bakora ibintu bizwi cyane bakoresha urubuga rwabo kugirango bashishikarize kandi bigishe/bashimishe ababakurikira. Twishimiye kwerekana ibyo bagezeho muri uyu mwaka.”

“Kurundi ruhande ariko hari nabakoresha imbuga nkoranyambaga nabi. Twe twifuje guhemba abo bazikoresha neza. Bizatuma n’abandi babigiraho.”

Akomeza avuga ko ibi bihembo bizafasha abazabihabwa kugirirwa ikizere kurushaho no kubafungurira amahirwe.

Kuri ubu ikipe ibishinzwe iri kugenda itoranya abazahatana bujuje ibyo bazagenderaho ku buryo nko mu kwezi gutaha ngo hazatangazwa abazahatana. Nibamara gutangazwa hazabaho gutora kuri internet nyuma aribwo hazatangwa ibihembo mu gitaramo bise “We share.”

Bimwe mu byiciro bizahembwa ni ‘Social media influencers, Journalist influencers, Lifestyle influencers, Content Producer influencers na Art and Creative Influencers’.


Kalisa avuga ko bifuje guhemba abakoresha imbuga nkoranyambaga neza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO